រាជធានីភ្នំពេញ ៖ នៅរសៀលវេលាម៉ោង ១៤:០០នាទី ថ្ងៃទី២២ ខែមេសា ឆ្នាំ២០២០ ដោយអនុវត្តន៍តាមបទបញ្ជា និងការណែនាំជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោក អភិបាល នៃគណៈអភិបាលខណ្ឌដូនពេញ កម្លាំងជំនាញនៃអធិការដ្ឋាននគរបាលខណ្ឌដូនពេញ បានសហការជាមួយនគរបាលប៉ុស្តិ៍ស្រះចក បានបើកការស្រាវជ្រាវបង្ក្ត្រាបករណីជួញដូរដោយខុសច្បាប់នូវសារធាតុញៀន ស្ថិតនៅតំបន់ R6 ក្តាន់២ផ្លូវ៨៦ (ផ្លូវរថភ្លេីង) ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។ យោងតាមហ្វេសប៊ុកផ្លូវការរបស់ស្នងការនគរបាលរាជធានីភ្នំពេញចុះផ្សាយនៅថ្ងៃទី២២ ខែមេសា ឆ្នាំ២០២០។
ជាលទ្ធផលនៃកិច្ចប្រតិបត្តិការណ៍រយៈពេល៥ម៉ោង ចាប់ពីម៉ោង ១៤:០០ រហូតដល់ម៉ោង ១៩:០០នាទីយប់ នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០៤នាក់រួមស្រី២ម្នាក់ និងដកហូតបានវត្ថុតាងដកហូតរួមមាន ៖
១/ ក្រាមពណ៌សថ្លាសង្ស័យជាគ្រឿងញៀនចំនួន០៧កញ្ចប់ (ក្នុងនោះកញ្ចប់ធំចំនួន០២កញ្ចប់ ) ។
២/ ថង់ប្លាស្ទិចសំរាប់ច្រកមួយចំនួន ។
៣/ ឧបករណ៍ប្រើប្រាស់គ្រឿងញៀនមួយចំនួន ។
ចំពោះមុខកម្លាំងជំនាញនគរបាលនៃអធិការដ្ឋានខណ្ឌដូនពេញ កំពុងសាកសូរជនសង្ស័យដើម្បីយកចម្លើយបន្តស្រាវជ្រាវរកបក្ខពួកនិង ក្រុមដទៃផ្សេងៗទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី។
ដោយ ៖ វិបុល
