រាជធានីភ្នំពេញ ៖ នៅថ្ងៃទី១៧ ខែមេសា ឆ្នាំ២០២០ វេលា ម៉ោង០២ម៉០០នាទីរំលងអាធ្រាត កម្លាំង អធិការដ្ឋាននគរបាលខណ្ឌមានជ័យបានសហការជាមួយកំលាំងនគរបាលប៉ុស្តិ៍ស្ទឹងមានជ័យទី១ បានធ្វើការល្បាត ពួនស្ទាក់នៅក្នុងមូលដ្ឋាន ត្រង់ចំនុចផ្លូវបេតុង ភូមិមានជ័យ១ សង្កាត់ ស្ទឹងមានជ័យទី១ ខណ្ឌមានជ័យ ក៍បានឃាត់ខ្លួនជនសង្ស័យចំនួន០៤នាក់ រួមមាន៖
១.ឈ្មោះ ណុប ចាន់ណា ភេទប្រុស អាយុ ៣៨ឆ្នាំ ជនជាតិខ្មែរ មុខរបរ រត់ម៉ូតូឌុប ស្នាក់នៅផ្ទះជួល ក្នុងភូមិមានជ័យ១
សង្កាត់ស្ទឹងមានជ័យទី១ ខណ្ឌមានជ័យ (មានផ្ទុកសារធាតុញៀន) ឃាត់ខ្លួន។
២.ឈ្មោះ វ៉ា ឡេង ភេទប្រុស អាយុ ២៩ឆ្នាំ ជនជាតិខ្មែរ មុខរបរ លក់បាយ ស្នាក់នៅផ្ទះជួល ក្នុងភូមិមានជ័យ១
សង្កាត់ស្ទឹងមានជ័យទី១ ខណ្ឌមានជ័យ (មានផ្ទុកសារធាតុញៀន) ឃាត់ខ្លួន។
៣.ឈ្មោះ សឿង កក្កដា ភេទប្រុស អាយុ៣៨ឆ្នាំ មុខរបរ រើសអេតចាយ ស្នាក់នៅផ្ទះជួល ក្នុងភូមិមានជ័យ១
សង្កាត់ស្ទឹងមានជ័យទី១ ខណ្ឌមានជ័យ (មានផ្ទុកសារធាតុញៀន) ឃាត់ខ្លួន។
៤.ឈ្មោះ សំ ស្រីនី ភេទស្រី អាយុ ២៤ឆ្នាំ ជនជាតិខ្មែរ មុខរបរ និងកន្លែងស្នាក់នៅមិនពិតប្រាកដ (មានផ្ទុកសារធាតុញៀន)
ឃាត់ខ្លួន ។
ក្នុងប្រតិបត្តការណ៏បង្ក្រាបសមត្ថកិច្ចជំនាញបានដកវត្ថុតាង និងសម្ភារៈរួមមាន៖
១-ក្រាមសថ្លាចំនួន០៣កញ្ចប់តូចជា របស់ឈ្មោះ ណុប ចាន់ណា ។
២-ក្រាមពណ៌សថ្លាចំនួន០២កញ្ចប់ (០១កញ្ចប់ធំល្មម និង០១កញ្ចប់តូច) ជារបស់ឈ្មោះ វ៉ា ឡេង ។
៣-ក្រាមពណ៌សថ្លាចំនួន០១កញ្ចប់តូច ជារបស់ ឈ្មោះ សឿង កក្កដា ។
៤-ខ្សែរកលោហះធាតុពណ៌ទង់ដែងលាយពណ៌ប្រាក់ចំនួន០១ខ្សែរ,ចិញ្ជៀនលោហះធាតុចំនួន០៣វង់ និងចិញ្ជៀន
ព៌ណទឹកប្រាក់ ចំនួន០១វង់ ជារបស់ឈ្មោះ សំ ស្រីនី ។
បច្ចប្បន្នជនសង្ស័យទាំង០៤នាក់ខាងលើ កំពុងឃាត់ និងសាកសួរខ្លួននៅអធិការដ្ឋាន នគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការ៕
ដោយ ៖ វិបុល
រូបភាព៖ ស្នងការរាជធានីភ្នំពេញ
