រាជធានីភ្នំពេញ ៖ នៅថ្ងៃទី១៣ ខែមេសា ឆ្នាំ២០២០ សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌកងរាជអាវុធហត្រាជធានីភ្នំពេញ បានបញ្ជូនជនសង្ស័យម្នាក់ទៅតុលាការពាក់ព័ន្ធករណីរំលោភលើទំនុកចិត្ត និងឆបោក ចំនួន៣ករណីផ្សេងគ្នា។
ជនសង្ស័យឈ្មោះ ម៉ម ពុធ ភេទប្រុស អាយុ៣០ឆ្នាំ មុខរបរ ទិញ-លក់រថយន្ត ទីលំនៅបច្ចុប្បន្ន ផ្ទះលេខ២៧ ផ្លូវលេខ៩ ភូមិត្រាំងដូនដី សង្កាត់ចោមចៅ២ ខណ្ឌពោធិ៍សែនជ័យ ។
តាមចម្លើយសារភាពរបស់ជនសង្ស័យបានឲ្យដឹងថា ខ្លួនពិតជាបានឆបោកចំនួន៣ករណីពិតប្រាកដមែន ដោយ ៖
. លើកទី១ ខ្លួនបានឆបោករថយន្ត១គ្រឿងម៉ាក Toyota Pruis 2005 ពណ៌ទឹកប្រាក់ គ្មានស្លាកលេខ (សន្លឹកពន្ធ) កាលពី
អំឡុងខែកុម្ភៈ ឆ្នាំ២០២០ ពីឈ្មោះ សុវណ្ណ ឈុនវិបុល ដោយមានឃ្លាំងលក់រថយន្តយីហោ ម៉ឹង សុផល មានទីតាំងស្ថិត
នៅភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។
. លើកទី២ ខ្លួនបានឆបោករថយន្ត១គ្រឿងទៀតម៉ាក Toyota Pruis 2004 ពណ៌ប្រផេះ គ្មានស្លាកលេខ (សន្លឹកពន្ធ)
កាលពីថ្ងៃទី២៤ ខែមីនា ឆ្នាំ២០២០ ពីឈ្មោះ ឆោម ពៅ ។ និង
. លើកទី៣ ខ្លួនបានឆបោកក្រដាសពន្ធរថយន្តម៉ាក Toyota Pruis 2007 ពណ៌ទឹកប្រាក់
យកទៅដាក់បញ្ជាំកាលពីអំឡុងខែមីនា ឆ្នាំ២០២០ ពីឈ្មោះ ឃុត បញ្ញា ដែលជាអ្នកធ្វើការជាមួយគ្នាផងដែរ។
ដោយ ៖ វិបុល
