រាជធានីភ្នំពេញ : កម្លាំងនគរបាលរដ្ឋបាលភ្នំពេញថ្មីសហការជាមួយជំនាញនគរបាលខណ្ឌសែនសុខនៅថ្ងៃទី០៦ ខែមេសា ឆ្នាំ២០២០ វេលាម៉ោង២០. ៣០នាទីបានបន្តធ្វើការស្រាវជ្រាវឃាត់ខ្លួនជន សង្ស័យ១នាក់ឈ្មោះ សេក វាសនា ភេទប្រុស អាយុ៣០ ជនជាតិខ្មែរ មុខរបរគ្មាន នៅមុខផ្ទះសំណាក់គូរ៉ូ ភូមិទួលគោក សង្កាត់ទួលសង្កែ ខណ្ឌឬស្សីកែវ (មានសារធាតុញៀន) ។ ជនសង្ស័យមានទីលំនៅផ្ទះសង់ថ្មី ភូមិទួលគោក សង្កាត់ទួលសង្កែ ខណ្ឌឬស្សីកែវ។
ជនសង្យ័យនិងបក្ខពួកបានធ្វើសកម្មភាពលួចមានស្ថានទម្ងន់ទោសប្រើអាវុធខ្លីបាញ់ភ្ជុង គំរាមប្លន់ម៉ូតូ០១គ្រឿង ម៉ាកនិច ពណ៌សលាយក្រហម ផលិតឆ្នាំ២០១៦ ពាក់ស្លាកលេខ1DO- 8221 បានសំរេច ពីអ្នកដំណើរស្ថិតនៅមុខសាលា SOS ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី២៩ ខែមីនា ឆ្នាំ២០២០ វេលាម៉ោង០៣ និង០០នាទី ពីជនរងគ្រោះឈ្មោះ ស៊ីម សារ៉ាត់ ភេទប្រុស អាយុ១៩ឆ្នាំ ជនជាតិខ្មែរ មុខរបរនិស្សិត ស្នាក់នៅផ្ទះសង់ថ្មី ផ្លូវមហាវិថីម៉ៅសេទុង សង្កាត់បឹងសាឡាង ខណ្ឌទួលគោក ។
បច្ចុប្បន្នជនសង្ស័យកំពុងឃាត់ខ្លួនសាកសួរនៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ដោយ : វិបុល
