រាជធានីភ្នំពេញ ៖ កម្លាំងសមត្ថកិច្ច នៃនាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃបានសហការជាមួយនគរបាលមូលដ្ឋាន បានធ្វើការចុះបង្ក្រាប់ទីតាំងមួយកន្លែងដែលនាំចូលអាកុលក្លែងក្លាយ ក្នុងប្រតិបត្តិការណ៌ខាងលើដឹកនាំដោយលោក សាយ ណូរ៉ា ព្រះរាជអាជ្ញារង អមសាលាដំបូងរាជធានីភ្នំពេញ និងលោក ចាន់ វ៉ានធឿន ប្រធាននាយកដ្ឋាននគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ រួមនឹងលោក ឡុង ស្រេង អនុប្រធាននាយកដ្ឋាននគរបាលប្រឆាំងបទ
ល្មើសសេដ្ឋកិច្ចក្រសួងមហាផ្ទៃបានកសាងសំណុំរឿងធ្វើការដកហូតអាកុលក្លែងក្លាយមួយចំនួនធំដែលនាំចូលដោយខុស
ច្បាប់។
ប្រតិបត្តការណ៍ធ្វើឡើងនៅវេលាម៉ោង៣:៣០ រសៀល ថ្ងៃទី២១ ខែមីនា ឆ្នាំ២០២០ ដែលស្ថិតនៅមុខផ្ទះលេខ២៤AEo នៅចំណុចផ្លូវលេខ៣២៨ ក្នុងសង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។
យោងតាមប្រភពព័ត៍មានពីសមត្ថកិច្ចនៅកន្លែងប្រតិបត្តការណ៌ ក៏បានឲ្យដឹងថា អាកុលក្លែងក្លាយមួយចំនួនធំត្រូវបាន
ស្គាល់ម្ចាស់ឃ្លាំងលួចនាំចូលដោយខុសច្បាប់ ។
ក្រោយការចុះត្រួតពិនិត្យ ម្ចាស់ទីតាំងខាងលើនិង អាកុលក្លែងក្លាយត្រូវបានសមត្ថកិច្ច យកទៅរក្សាទុក ដើម្បីរង់ចាំការដោះ
ស្រាយ នៅសាលាដំបូងរាជធានីភ្នំពេញ តាមនីតិវិធីច្បាប់៕
ដោយ ៖ មិន ហ៊ុន
