កំពង់ឆ្នាំង ៖ ឯកឧត្តម កែវ ពៅ ប្រធានមន្ទីរសាធារណៈការនិងដឹកជញ្ជូនខេត្តកំពង់ឆ្នាំង បានមានប្រសាសន៍អោយដឹងនៅព្រឹកថ្ងៃទី១២ខែកុម្ភះ ឆ្នាំ២០១៨ ថា ៖ រយះពេលពីរថ្ងៃគឺថ្ងៃទី១០និងថ្ងៃទី១១ខែកុម្ភៈឆ្នាំ២០១៨អាជ្ញាធរខេត្តកំពង់ឆ្នាំងបានធ្វើប្រតិបត្តិការត្រួតពិនិត្យ និង វាសវែងរថយន្តគ្រប់ប្រភេទ សរុបបានចំនួន៣៤៣គ្រឿង ប៉ុន្តែពុំមានការកែឆ្នៃខុសលក្ខណះបច្ចេកទេសឡើយ។
ឯកឧត្តមកែវ ពៅ បានអោយដឹងទៀតថា ប្រតិបត្តការណ៏នេះក្រុមការងារសម្រេចធ្វើការត្រួតពិនិត្យនិងវាស់វែងរថយន្តគ្រប់ប្រភេទសរុបបានចំនួន៣៤៣គ្រឿង។ ក្នុងនោះមានរថយន្តដឹកសំពីងសំពោងចំនួន៤៣គ្រឿង រថយន្តតកន្ទុយក្រោយចំនួន
៥គ្រឿង និង រថយន្តសាំយ៉ុងកង់ឌុបចំនួន១គ្រឿងផងដែរ ។
ឯកឧត្តមបានមានប្រសាសន៍ដោយគូសបញ្ជាក់ទៀតថា ប្រតិបត្តិការណ៍នេះនឹងបន្តធ្វើរហូតដូចភ្លៀងរលឹមទាល់តែអស់មានរថយន្តដឹកសំពីងសំពោង ដឹកលើសទម្ងន់និងតទ្រុងខុសលក្ខណះបច្ចេកទេស ៕
ដោយ ៖ ប៊ុនថន
