ខេត្តរតនគិរី ៖ ឪពុកម្តាយក្មេងប្រុសម្នាក់បានចោទប្រកាន់ទៅលើគ្រូពេទ្យបង្អែកខេត្តចាក់ថ្នាំខុសបច្ចេកទេសបណ្តាលអោយកូនប្រុសអាយុទើបតែ១ខួបរបស់គាត់បានស្លាប់គួរអោយសង្វេកជាទីបំផុតក្នុងកណ្តាបដែរបស់គ្រុមគ្រូទេព្យ ហេតុការណ៍នេះបានកើតឡើង
នៅក្នុងមន្ទីរពេទ្យបង្អែកខេត្តនៅថ្ងៃទី១២ ខែកុម្ភៈ ឆ្នាំ២០១៨វេលាម៉ោង២និង៣០នាទីរសៀល។
ក្នុងករណីនេះត្រូវបានលោកស្រី ទិត្យ ស្រីលាភ និងលោកហេង រស្មី រស់នៅភូមិយោល ឃុំអូរជុំ ស្រុកអូរជុំ បានអោយដឹងថាកូនប្រុសគាត់ឈ្មោះហេង លីហួ អាយុ១ឆ្នាំ ស្លាប់នៅមន្ទីរពេទ្យខាងលើពួកគាត់ជាឪពុកម្តាយមានការសង្ស័យនិងខឹងសម្បាលទៅលើបុគ្គលិកមន្ទីរពេទ្យ ពួកគាត់បានបន្តទៀតថាគាត់បានយកកូនគាត់ទៅសំរាកព្យាបាលនៅមន្ទីរពេទ្យនៅថ្ងៃទី៨ ខែកុម្ភៈ ឆ្នាំ២០១៨ សរុបបាន៤ថ្ងៃ ដោយកូនគាត់មានជំងឺរាគយកទៅដល់ថ្ងៃទី១គ្រូពេទ្យអោយសម្រាក់នៅបន្ទប់សង្គ្រោះបន្ទាន់ រយៈពេល៣ថ្ងៃមើលឃើញថាកូនគាត់ធូរស្រាលយ៉ាងខ្លាំងនិងបាត់រាគរួចក៏គ្រូពេទ្យក៏បានដូរទីតាំងអោយទៅនៅបន្ទប់កុមារនៅផ្នែកខាងក្រោយម្តងវិញ ស្រាប់តែនៅថ្ងៃកើតហេតុខាងលើនេះមានពេទ្យស្រីម្នាក់បានយកថ្នាំមកចាក់រួចអោយលេបថ្នាំចំនួន២កំណាត់ក៏បន្តដាក់សេរ៉ូម១ប្លោក ២០នាទីក្រោយមកកូនរបស់គាត់ប្រកាច់និងដកចង្កាមាន់ធ្វើអោយគាត់ជាឪពុកម្តាយមានការភ័យស្លន់ស្លោរត់ហៅគ្រូពេទ្យខាងលើអោយជួយ
សង្គ្រោះ ហៅពេទ្យមិនបានមកភ្លាមៗនោះទេ ទុករយៈពេល៣០នាទីទើបមានពេទ្យស្រី២នាក់បានមកដល់ កូនរបស់គាត់បានដាច់ខ្យល់ស្លាប់បាត់ទៅហើយ ហើយគាត់ជាម្តាយកុមាររងគ្រោះបានសួរទៅគ្រូពេទ្យខាងលើថាយកថ្នាំមកធ្វើអ្វីបើកូនរបស់ខ្ញុំបានស្លាប់បាត់ទៅហើយ។ ហើយថ្នាំនេះជាប្រភេទថ្នាំអ្វី ពេទ្យឆ្លើយថាជាថ្នាំបន្សាបការប្រតិកម្មថ្នាំ។
ពួកគាត់ទាំងពីរនាក់ប្តីប្រពន្ធគាត់មានអារម្មណ៍ខឹងនឹងបុគ្គលិកមន្ទីរពេទ្យបង្អែកខេត្តដែលមានការថ្វីប្រហែសនិងគ្មានជំនាញច្បាស់លាស់ដែលអាចជួយសង្គ្រោះកូនរបស់គាត់បានឡើយ ដោយដាក់ការ សង្ស័យថាជាពេទ្យស្តារព្រមទាំងសំណូមពរដល់រដ្ឋមន្ត្រីក្រសួងសុខាភិបាលមេត្តាជួយធ្វើការណែនាំដល់មន្ត្រីពេទ្យដែលគ្មានជំនាញសុំអោយទៅរៀនអោយមានជំនាញច្បាស់លាស់ទើបមកព្យាបាលជំងឺអោយប្រជាពលរដ្ឋតាមបណ្តាលខេត្ត និងសុំអោយរដ្ឋមន្ត្រីមេត្តាជួយស៊ើបអង្គេតនិងតាមដានលើករណីដែលកូនគាត់ស្លាប់ដែលសារពេទ្យគ្មានជំនាញច្បាស់លាស់។
នៅថ្ងៃទី១២ ខែកុម្ភៈ ឆ្នាំ២០១៨ គេហទំព័ត៍ រស្មីក្រុងយើង មិនអាចសុំការបកស្រាយពីលោក ហ៊ីង ផានសុគន្ធា ប្រធានមន្ទីរពេទ្យបង្អែកខេត្ត បានទេ ដោយគ្មានលេខទូរស័ព្ទសំរាប់ទំនាក់ទំនង។
ដោយ ៖ វិចិត្រ
