រាជធានីភ្នំពេញ៖ សូមអរគុណសន្តិភាព ពិធីជួបសំណេះសំណាល និងពិសារអាហារសាមគ្គី ឯកឧត្តមស្នងការបញ្ជាក់ថា មិនទុកអោយមន្ត្រីណាម្នាក់នៅឯការឡេីយ។ នេះបើយោងតាមហ្វេសប៊ុកផ្លូវការចុះថ្ងៃទី០៣ ខែមករា ឆ្នាំ២០២០ របស់ឯកឧត្តម ឧត្តមសេនីយន៏ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញ។
ជាថ្នាក់ដឹកនាំម្នាក់ដែលតែងតែបារម្មណ៍ គិតគូរ និងយកចិត្តទុកដាក់ ដល់សុខទុក្ខរបស់មន្ត្រីក្រោមឱវាទ នៅរសៀលថ្ងៃសុក្រ ទី០៣ ខែមករា ឆ្នាំ២០២០ នៅសាលប្រជុំនៃស្នងការដ្ឋាននគរបាលរាជធានីភ្នំពេញ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញជាអធិបតីភាព ក្នុងពិធីជួបជុំសំណេះណាលជាមួយមន្ត្រីនគរបាលមកពីបណ្តាខណ្ឌ និងប៉ុស្តិ៍ សរុបចំនួន ១៤៩រូប ដែលបានបំពេញបែបបទចូលនិវត្តន៍ និងត្រៀមបំពេញឯកសារចូលនិវត្តន៍ ។
ក្នុងឱកាសនោះដែរឯកឧត្តមស្នងការបានធ្វេីការថ្លែងអំណរគុណដល់មន្ត្រីទាំងអស់ដែលបានលះបង់ទាំងកំលាំងចិត្តកាយ ដេីម្បីការពារសន្តិសុខសុវត្ថិភាពជូនសង្គមជាតិទាំងមូល ឯកឧត្តម តែងតែចំណាយពេលចុះសួរសុខទុក្ខ ជាប្រចាំដល់មន្ត្រីដែលមានជំងឺ និងជួបគ្រោះថ្នាក់ផ្សេងៗ ។
ក្នុងពិធីនេះដែរ ឯកឧត្តមស្នងការ រាជធានីភ្នំពេញ បាននាំយកសម្ភារ: ដូចជាកន្សែងពោះគោ អាវយឺត និងថវិកាចំនួន ៥០,០០០រៀល ដែលជាការឧបត្ថម្ភរបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ផ្តល់ជូនមន្ត្រីដែលបានចូលរួមផងដែរ ។
ជាពិសេសទៅទៀតដេីម្បីការលេីកទឹកចិត្ត និងអបអរសាទរឆ្នាំថ្មី ២០២០ ឯកឧត្តមស្នងការ ក៏បានរៀបចំពីធីពិសារអាហារសាមគ្គី ដល់មន្ត្រីទាំងអស់មកពីខណ្ឌ ប៉ុស្តិ៍ ដែលនឹងចូលនិវត្តន៍ នាពេលខាងមុខផងដែរ ។
ដោយ ៖ វិបុល
រូបភាព ៖ ស្នងការដ្ឋានរាជធានីភ្នំពេញ
