រាជធានីភ្នំពេញ ៖ ទំនាស់ដីធ្លីយ៉ាងក្តៅកគុករវាងប្រជាពលរដ្ឋ៨គ្រួសារមានទីតាំងស្ថិតនៅតំបន់អភិវឌ្ឍន៏ឬស្សីកែវ ផ្លូវ៥៩៨ ភូមិទួលពពេ សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញ ជាមួយអាជ្ញាធររាជធានីភ្នំពេញ ដែលមានមេធាវី សួង សុផល ជាតំណាំងដោយអណ្តិរបស់សាលារាជធានីភ្នំពេញ។
ប្រវត្តិទំនាស់ដីនេះប្រជាពលរដ្ឋ៨គ្រួសារដែលជាជនរងគ្រោះមានឈ្មោះដូចជា ៖ ១.លោក គង់ ទី ២. លោកស្រី ខៃ ណារិន ៣. លោក កែម មង្គល ៤. លោក ព្រំ បូរ ៥.លោក សុខ អៀង ៦.លោក អ៊ឹង ព្រូ ៧.លោក ឆាយ ដាវី និងទី៨.លោក រ័ត្ន ស៊ា ដោយពួកគាត់បានប្រាប់អ្នកសារព័ត៌មានយើងថា ៖ គ្រួសាររបស់គាត់នីមួយៗបានកាន់កាប់អាស្រ័យផល រស់នៅចាប់ពី២០ ឆ្នាំ ទៅ៣០ឆ្នាំកន្លងមកហើយ ដោយមានការទទួលស្គាល់ពីអាជ្ញាធរមូលដ្ឋានភូមិ, ឃំុ, ខណ្ឌឬស្សីកែវ រាជធានីភ្នំពេញ។
លុះរហូតដល់ខែកក្តដា ឆ្នាំ២០១៧ មានការកោះហៅប្រជាពលរដ្ឋចំនួន៧៧គ្រួសារ ទៅដោះស្រាយនៅអាជ្ញាធរថ្នាក់ជាតិដោះស្រាយទំនាស់ដីធ្លីដែលមានឯកឧត្តម បិន ឈិន ជាប្រធាន ជាលទ្ធផលប្រជាពលរដ្ឋចំនួនចំនួន៦៩គ្រួសារបានទទួលយកនូវដំណោះស្រាយនេះដោយមិនបានដីដូចតាមបំណងឡើយ ដោយពួកគាត់មានការភ័យខ្លាចនិងការគៀបសង្កត់លើផ្លូវចិត្តផងដែរ ទើបពួកគាត់សម្រេចចិត្តដើរចេញដោយទឹកភ្នែក ហើយជាពិសេសការដោះស្រាយមិនមានភាពយុត្តិធ៌មសំរាប់ក្រុមគ្រួសារនីមួយៗឡើយ។
ដោយឡែកប្រជាពលរដ្ឋនៅសល់៨គ្រួសារខាងលើត្រូវបានអាជ្ញាធរចោទថាជាក្រុមក្បែលរឹងអូស មិនព្រមទទួលយកនូវដំណោះស្រាយរបស់អាជ្ញាធរជាតិឡើយ តែសំរាប់ប្រជាពលរដ្ឋវិញលោកថាការដោះស្រាយនោះមិនមានភាពយុតិ្តធ៌មសំរាប់ពួកគាត់ឡើយ ដោយពួកគាត់ចង់បានការដោះស្រាយមួយដែលអាចទទួលយកបានទោះមិនបានទាំងអស់ បានតែ៥០{cd5bdb6ac61e7c4949e2b5eddea10f7a39669d1fb1784b7fffa616dbf3eb4004}នៃដីរបស់ខ្លួនក៏ព្រមដែរ។
ម្យ៉ាងទៀតទំនាស់នេះប្រជាពលរដ្ឋបានដាក់បណ្តឹងចូលទៅកាន់សាលាដំបូងរាជធានីភ្នំពេញ ហើយ ដោយតុលាការរាជធានីភ្នំពេញ បានបើកជំរៈចុងក្រោយដោយមានលោកចៅក្រម សេង លាង ជាចៅក្រមជំរៈ កាលថ្ងៃទី១៩ ខែធ្នូ ឆ្នាំ២០១៩ ហើយនិងត្រូវប្រកាសសាលក្រមនាថ្ងៃទី ១៧ ខែមករា ឆ្នាំ២០២០ វេលាម៉ោង ១៤ រសៀល ខាងមុននេះ តែមិនទាន់ដល់ថ្ងៃត្រូវប្រកាសសាលក្រម តាមនិតីវិធីតុលាការផង ស្រាប់តែនៅវេលាម៉ោង ៤ព្រឹក ថ្ងៃទី២៦ ខែធ្នូ ឆ្នាំ២០១៩ កម្លាំងចម្រុះរបស់អាជ្ញាធរខណ្ឌឬស្សីកែវ រាប់រយនាក់ បានចុះមកវាយកម្ទេចផ្ទះ និងទ្រព្យសម្បតិ្តរបស់ពួកគាត់។
គួររំលឹកថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ធ្លាប់មានប្រសាសន៏ថា ប្រជាពលរដ្ឋកម្ពុជាគ្រប់រូបកាន់កាប់លើដីចាប់ពី៥ឆ្នាំឡើងទៅនិងក្លាយជាកម្មសិទ្ធស្របច្បាប់។
តែទោះបីមានលិខិតសុំអន្តរាគមន៏របស់ពលរដ្ឋចំនួន៨គ្រួសារគោពរជូនសម្តេចតេជោ ហ៊ុន សែន ចុះថ្ងៃទី ០៦ ខែវិច្ឆិកា ឆ្នាំ២០១៩ ព្រមទាំងមានដីកាបញ្ជូនចុះថ្ងៃទី០៧ ខែវិច្ឆិកា ឆ្នាំ២០១៩ របស់លោក ហូ សិទ្ធី នាយកខុទ្ធកាល័យសម្តេចតេជោ ហ៊ុន សែន បានផ្ញើជូនទៅកាន់ឯកឧត្តមឧបនាយករដ្ឋមន្ត្រី ជា សុផារ៉ា ស្តីអំពីការផ្អាក់និតីវិធីរដ្ឋបាល ( ការរុះរើ ការបណ្តេញប្រជាពលរដ្ឋចេញពីផ្ទះសម្បែងដោយបង្ខំ) និងដោះស្រាយមកអោយពួកគាត់វិញ ក៏ដោយតែអាជ្ញាធររាជធានីភ្នំពេញ និងលោក ជា ពិសី អភិបាលខណ្ឌឬស្សីកែវ ព្រមទាំងគូកន ដោយមានប្រជាការពាភូមិ នៅតែព្រងើយកន្តើយមិនស្តាប់តាមបទបញ្ជាថ្នាក់លើឡើយ ដោយបំផ្លាញទ្រព្យសម្បត្តិរាបដល់ដីតែម្តង។
ទាក់ទងនិងទំនាស់ដីតំបន់អភិវឌ្ឍន៏ឬស្សីកែវប្រជាពលរដ្ឋ៨ គ្រួសារខាងលើនេះអង្គភាព www.rskynews.com បានទំនាក់ ទំនងសាកសួរព័ត៌មានពី ឯកឧត្តម ឃួង ស្រេង អភិបាលរាជធានីភ្នំពេញ តែលោកបានបង្វែរសំណួរអោយសាកសួរឯកឧត្តម មាន ចាន់យ៉ាដា អភិបាលរង តែលោកឆ្លើយថាលោកជាប់រង្វល់ប្រជំុជាមួយឯកឧត្តមនាយឧត្តមសេនីយន៏ នេត សាវឿន អគ្គស្នងការ នគរបាលជាតិ ។
ដោយទំនាស់នេះឡើងកំដៅដល់កំពូលរវាងអ្នកមានអំណាចដែលជាអ្នកបំរើរាស្ត្រ ហើយក៏ជាកូនចៅរបស់សម្តេចតេជោផងនេះ ប្រជាពលរដ្ឋ៨គ្រួសារបានសំណូមពរដ៏ទទួចដល់សម្តេចតេជោ សម្តេចកក្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចក្រឡាហោម ស ខេង និងឯកឧត្តមឧបនាយករដ្ឋមន្រ្តី ជា សុផារ៉ា ជាណាព្យាបាលមេត្តាជួយអន្តរាគមន៏រកយុត្តិធ៌មសំរាប់ពួកគាត់៨គ្រួសារផងទាន។
ដើម្បីស្របតាមរបបវិជ្ជាជីវៈសារព័ត៌មាន អង្គភាពគេហទំព័រ www. rskynews.com យើងខ្ញុំនិងរង់ចាំទទួលការបំភ្លឺគ្រប់ពេលវេលាពីភាគីពាក់ព័ន្ធ និងអាជ្ញាធរគ្រប់លំដាប់ថ្នាក់ ដែលកំពុងមានវិវាតលើដីរបស់ប្រជាជន៨គ្រួសារ ក្នុងតំបន់អភិវឌ្ឍន៏ឬស្សីកែវនេះ៕
ដោយ ៖ វិបុល
