រាជធានីភ្នំពេញ ៖ កាលពីវេលាម៉ោង១២និង២០នាទី រសៀលថ្ងៃទី៨ ខែវិច្ឆិកា ឆ្នាំ២០១៩ ចំណុចផ្ទះល្វែងក្នុងបុរីព្រីនថោន ភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ កម្លាំងនគរបាលក្រសួងមហាផ្ទៃ បានសហការជាមួយកម្លាំងនគរបាលខណ្ឌពោធិ៍សែនជ័យ បានចុះបង្ក្រាបនិងចាប់ខ្លួនជនជាតិចិនចំនួន១១នាក់ ពាក់ព័ន្ធករណីចាប់បង្ខាំងជនជាតិចិនដូចគ្នា ដើម្បីជំរិតទារប្រាក់ និងរំដោះបានជនរងគ្រោះម្នាក់ផងដែរ។
តាមរបាយការណ៍របស់សមត្ថកិច្ចបានឲ្យដឹងថា ក្រោយទទួលបានពាក្យបណ្តឹងពីសាច់ញាតិជនរងគ្រោះ ជាជនជាតិចិនដូចគ្នា ទើបខាងស្ថានទូតចិនស្នើសុំឲ្យក្រសួងមហាផ្ទៃ បើកប្រតិបត្តិការស្រាវជ្រាវឈានទៅដល់ការចាប់ខ្លួនបានជនសង្ស័យជាជនជាតិចិនចំនួន១១នាក់ និងរំដោះបានជនរងគ្រោះម្នាក់ ក្នុងសភាពមានរបួសលើរូបរាងកាយដែលជនសង្ស័យបានវាយធ្វើបាប។
បច្ចុប្បន្នជនសង្ស័យទាំង១១នាក់ រួមនិងវត្ថុតាង ត្រូវបានសមត្ថកិច្ចបញ្ជូនទៅកាន់ការិយាល័យជំនាញ ដើម្បីចាត់ការតាមនៅតោវិធីច្បាប់ ៕
ដោយ ៖ សុភា
