ខេត្តមណ្ឌលគិរី (ស្រុកកោះញ៉ែក) ៖ តាមសេចក្តីរាយការណ៏របស់ក្រុមអ្នកកាសែត២០នាក់បានអោយគេហទំព័រ រស្មីក្រុងយើង www.rskynews.com ដឹងថានៅវេលាម៉ោង៥.៣៥នាទីល្ងាចថ្ងៃទី២៨ ខែ មករា ឆ្នាំ ២០១៨ មានការផ្ទះ
អាវុធមួយប្រាវនៅក្នុងក្រុមហ៊ុនយូនីគ្រីន របស់លោកឧកញ៉ា តុប វីយាដា មានទីតាំងនៅស្រុកកោះញ៉ែក ខេត្តមណ្ឌលគីរី មកលើក្រុមអ្នកសារព័ត៍មាន និងមានសំលេងស្រែកគំរាបចាប់អោយបានវាយខ្នោះតែម្តង ពេលនេះធ្វើអោយក្រុមអ្នកកាសែត២០នាក់បានរត់ចែកជើងគ្នាបាតជើងសព្រាត និងព្រលឹងចុងសក់ដោយទន្ទឹញពាក្យគុណម៉ែគុណឪជួយផង។
ប្រភពបានបន្តអោយដឹងទៀតថាក្រុមអ្នកកាសែតទាំងនេះបានទទួលដំណឹងថា ក្រុមហ៊ុន យូនីគ្រីន បានទទួលទិញឈើពីខាងក្រៅក្រុមហ៊ុន ដើម្បីកាត់បេសេស្របច្បាប់ ដឹកជញ្ជូនឆ្លងទៅប្រទេសវៀតណាម ក្នុងនោះ ពួកគេក៏បានដឹង
ថា នៅក្នុងក្រុមហ៊ុនយូនីគ្រីន មានរថយន្តយីឌុបចំនួន៥គ្រឿងកំពុងផ្ទុកឈើ និងរថយន្តបាឡែនជាច្រើនទៀត ដោយក្រុមហ៊ុនមានរបងបិទបាំងជិតនូវបទល្មើសដែលគេបានរាយការណ៏មកនេះ ក្រុមអ្នកកាសែតបាននាំគ្នាឡើងលើដើមឈ់ើដើម្បីថតផ្តិតយករូបភាពអំពីសកម្មភាពនេះរាយការណ៏ជូនជាព័ត៍មាន ក៏កើតជាកំហឹងរបស់កម្មករ និងអ្នកយាម នៅក្នុងក្រុមហ៊ុនបានបាញ់ឡើងលើមិនតិច៧គ្រាប់ ដើម្បីគំរាមកំហែងទៅលើក្រុមអ្នកកាសែតទាំងអស់នេះ ។ ដោយឡែកបុរស់ម្នាក់ដែលគេដឹងថាជាប្អូនផ្លៃលោកឧកញ៉ា តុប វីយាដា ឈ្មោះ ផាន ណា ក៏បានបើករថយន្តធុនដ្រា ព៍ណសចេញពីក្រុមហ៊ុនដេញបំបុកក្រុមអ្នកកាសែត ធ្វើអោយអ្នកកាសែតម្នាក់ៗរត់យករួចខ្លួន និងភ័យស្លន់ស្លោ ។
ករណីផ្ទុះអាវុធដែលជាការចោទប្រកាន់របស់ក្រុមអ្នកកាសែត២០នាក់នេះ កម្មករ២នាក់បំរើនៅក្នុងក្រុមហ៊ុន យូនីគ្រីន បានចេញមុខមកបដិសេធថា ជាការចោទប្រកាន់មិនមែនជាការពិត ដោយខ្លួនទាំង២នាក់បានដុះផាវលេងនៅក្នុងក្រុម
ហ៊ុន។ តាមលិខិតបដិសេធរបស់កម្មករទាំង២នាក់នេះថាពូកគេមានអាយុត្រឹមតែ១៥ ទៅ១៦ឆ្នាំ ដែលបានមកធ្វើការ
នៅក្នុងក្រុមហ៊ុន។
ក្រុមអ្នកកាសែតប្រមាណ២០អង្គភាព ក៏បាននាំគ្នាដាក់ពាក្យបណ្តឹងទៅកាន់អាជ្ញាធរសមត្ថកិច្ចមូលដ្ឋាន ប៉ុន្តែគេពុំទាន់
ដឹងថា ចំណាត់ការនេះ ដល់ណានៅឡើយទេ ខណៈឈ្មួញឈើដ៏ល្បីឧកញ៉ា តុប វីយាដា នេះ គឺជាជនមានអំណាច
មានលុយ មានឱកាសជំនួញឈើដោយអំពើខុសច្បាប់ តាមរយៈសកម្មភាពប្រមូលទិញឈើពីប្រជាពលរដ្ឋ ពីឈ្មួញ
ជាច្រើនទៀត ដែលកាប់ពីខាងក្រៅក្រុមហ៊ុនរបស់ខ្លួន ដើម្បីកាត់បេសេ ឲ្យទៅជាឈើស្របច្បាប់ដឹកជញ្ជូនទៅប្រទេសវៀតណាមយ៉ាងគគ្រឹកគគ្រេង។
គេហទំព័រ រស្មីក្រុងយើង rskynews.com បានសុំការបំភ្លឺពីសមត្ថកិច្ច លោកបានឆ្លើយថា គឺក្មេងបានយកផាវទៅដាក់
ក្នុងកំប៉ុងហើយក៏ដុតបំផ្ទុះទៅ ហើយលឺដល់ក្រុមអ្នកកាសែត ជួនពេលក្រុមអ្នកកាសែតទាំងអស់នេះកំពុងតាមយកព័ត៍មានក៏ភ័យនាំគ្នារត់ទៅ។ ចំណែកឯការចោទប្រកាន់ថាប្រើប្រាស់កំលាំងពលកម្មមិនទាន់គ្រប់អាយុនេះ គឺដោយ
សារម៉ែឪរបស់វាមកធ្វើការ ក៏នាំមកនៅជាមួយទៅ។
មតិមហាជនចោទសួរថា៖ តើហេតុអ្វីបានជាក្រុមហ៊ុន យូនីគ្រីន របស់លោកឧកញ៉ា តុប វីយាដា អនុញ្ញាតិអោយក្មេង
មិនទាន់គ្រប់អាយុអាចធ្វើការងារនៅកន្លែងធ្វើការងារធ្ងន់ដូចនេះទៅកើត ? តើអាជ្ញាធរមានសមត្ថកិច្ច បានត្រួតពិនិត្យ
លើការចាត់ចែងគ្រប់គ្រងប្រើប្រាស់កម្មកររបស់ក្រុមហ៊ុននេះយ៉ាងណាដែរ? ទើបបណ្តាលអោយមានក្មេង មិនទាន់
គ្រប់អាយុអាចធ្វើការនៅក្នុងក្រុមហ៊ុនឧស្សាហកម្មធុនធ្ងន់ បានដូច្នោះ ជាពិសេសមន្ទីរការងារ និងបណ្តុះបណ្តាលវិជ្ជា
ជីវៈ របស់ខេត្តមណ្ឌលគីរី ។ មតិបានអោយអនុសាសន៏ថា ដើម្បីជំរះបន្ទិលរឿងនេះអាជ្ញាធរមានសមត្ថកិច្ចជាពិសេស
គណៈកម្មការបង្រ្កាបបទល្មើសព្រៃឈើដឹកនាំដោយឧត្តមសេនីយន៏ សៅ សុខា មេត្តាចាត់តាំងក្រុមការងារចុះត្រួត
ពិនិត្យករណីនេះផង។
តាមប្រភពពីក្រុមអ្នកកាសែតបានបង្ហើបប្រាប់ថា ភាគីខាងក្រុមហ៊ុនបានចាត់តំណាងចរចារសម្របសម្រួលជាមួយក្រុុមអ្នកកាសែតដើម្បីបញ្ចប់រឿង។
ពាក់ព័ន្ធករណីនេះ គេហទំព័រ រស្មីក្រុងយើង មិនអាចទាក់ទងសុំការបំភ្លឺផ្ទាល់ពីលោកឧកញ៉ា តុប វីយាដា ប្រធានក្រុមហ៊ុន យូនីគ្រីន បានទេ ដោយអ្នកលើកទូរស័ព្ទឆ្លើយថាលោកឧកញ៉ាកំពុងសំរាន្តលក់ហើយ ៕
ដោយ ៖ វិចិត្រ
