រាជធានីភ្នំពេញ ៖ ដោយមានការអនុញ្ញាត្តពី ឯកឧត្តម ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន, លោកឧត្តមសេនីយ៍ត្រី អ៊ិន សុង នាយករងមន្ទីរប្រឆាំងគ្រឿងញៀន និងលោកវរសេនីយ៍ទោ ជូ គឹមសេង នាយរងការិយាល័យ (ក១) បានចូលរួមកិច្ចពិភាក្សាពិគ្រោះយោបល់ថ្នាក់ជាតិ BLO ។
កិច្ចប្រជុំពិគ្រោះយោបល់ខាងលើនេះ មានរយៈពេល២ថ្ងៃ នៅសណ្ឋាគារសាន់វ៉េ ដោយចាប់ផ្តើមពីព្រឹកថ្ងៃទី២៤ ដល់ ២៥ ខែកញ្ញា ឆ្នាំ២០១៩ មានការទ្រពីរដ្ឋាភិបាលជប៉ុន អាជ្ញាធរជាតិប្រយុទ្ធប្រឆាំងគ្រឿងញៀន (NACD) សហការជាមួយ UNOCD បានការអញ្ជើញចូលរួមជាអធិបតីពី ឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង នៃអាជ្ញាធរជាតិប្រយុទ្ធប្រឆាំងគ្រឿងញៀន និង លោក IGOR KONDRATYEV ជាមន្ត្រីកម្មវិធីប្រចាំតំបន់របស់ UNOCD បានបើកកិច្ចប្រជុំពិគ្រោះយោបល់ថ្នាក់ជាតិការិយាល័យទំនាក់ទំនង BLO កម្ពុជា ។
ក្នុងកិច្ចប្រជុំពិគ្រោះយោបល់នេះក៏មានកាអញ្ជើញចូលរួមពីអភិបាលរងខេត្ត ជាប្រធានលេខាធិការដ្ឋានប្រយុទ្ធប្រឆាំងគ្រឿង ញៀន និងស្នងការរងទទួលផែនប្រឆាំងបទល្មើសគ្រឿងញៀនទាំង១២ខេត្ត និងប្រធានការិយាល័យBLO ទាំង១៥ការិយាល័យ ជាប់ព្រំដែនជាមួយប្រទេសថៃ ឡាវ វៀតណាម មានអ្នកចូលរួមសរុប ៣៨នាក់ និងបានពិភាក្សាយ៉ាងផុសផុលលើការគំរាមកំហែងឧក្រិដ្ឋកម្មគ្រឿងញៀនឆ្លងដែនក្នុងតំបន់ និងបញ្ហាប្រឈមរបស់ការិយាល័យ BLO ទាំង១៥ ការិយាល័យ ៕
ប្រភព ៖ infor@police.gov.kh
