សុខភាព ៖ វាជាការពិត ការឆ្លឹះអាចម៍ត្រចៀក វាមិនមែនជារឿងល្អនោះទេ។ វាពិតជាមិនល្អទាល់តែសោះ ដើម្បីដាក់អ្វីមួយចូលទៅក្នុងត្រចៀកកុមារ។ ការធ្វើដូចនេះ អាចបង្កើនហានិភ័យ នៃការឆ្លងមេរោគ ឬខូចក្រដាសត្រចៀករហូត និងថ្លង់។ ការសម្អាតត្រចៀកជាទៀងទាត់ គួរតែគ្រប់គ្រាន់ដើម្បីរក្សាអាចម៍ត្រចៀកនៅក្នុងកម្រិតធម្មតា។
ក្នុងករណីមួយចំនួន ដុំរឹងនៃអាចម៍ត្រចៀក កើតមាននៅក្នុងរន្ធត្រចៀក ដែលអាចធ្វើឲ្យពិបាកលឺនៅក្នុងត្រចៀក ឬធ្វើឲ្យបាក់តេរីស្ថិតនៅ និងបណ្តាលឲ្យឆ្លងមេរោគ។ ប្រសិនបើបញ្ហានេះកើតមានឡើង សូមកុំរុករបស់អ្វីនៅក្នុងរន្ធត្រចៀក ដើម្បីយកវាចេញ។ ការធ្វើរបៀបនេះអាចជម្រុញ ឲ្យខូចការស្តាប់លឺរហូត។
ប្រសិនបើកូនរបស់អ្នកត្រូវ ការយកអាចម៍ត្រចៀកចេញ គ្រូពេទ្យគួរតែធ្វើវានៅនឹងកន្លែង ដែលមានឧបករណ៍ត្រឹមត្រូវ។ ចំពោះបញ្ហានៃការលឺ ឬឈឺ ឬការរលាកផ្នែកខាងក្នុង ឬខាងក្រៅនៃត្រចៀក សូមពិគ្រោះជាមួយនឹងគ្រូពេទ្យ ដែលអាចពិនិត្យកូនរបស់អ្នក ដើម្បីកំណត់ពីមូលហេតុ ដែលបង្កឲ្យមានវា៕
ប្រភព ៖ www.health.com.kh
