តែតាមប្រភពប្រជាពលរដ្ឋនៅក្បែរកន្លែងកត់ឆ្នោតខាងលើនេះ បានអោយអង្គភាពគេហទំព័រ rskynews.com ដឹងថា អ្នកស្រី សុង អៀង ដែលជាម្ចាស់ផ្ទះកត់ឆ្នោតខាងលើនេះ គឺមេឆ្នោតធំសំរាប់ក្រុងតាខ្មៅ មិនមែនមាននៅតែមួយកន្លែងនេះទេគឺនៅមានផ្ទះមួយកន្លែងទៀតស្ថិតនៅភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល។ សេចក្តីរាយការណ៌បន្ថែមថា មានកូនកញ្ច្រែងជាច្រើន និងមានរហូតដល់ស្រុកកោះធំផងដែរ ។ ប្រភពអោយដឹងទៀតថាកូនកញ្ច្រាងមួយកំពុងកត់នៅខាងលិចទីបញ្ជា ការកងរាជអាវុធហត្ថខេត្តកណ្តាល ដោយរលូនមិនដែលរំខានដល់សមត្ថកិច្ចឡើយ ដល់ម៉ោងពេលវេលាត្រូវបញ្ជូនមកអោយមេឆ្នោត សុង អៀង ផងដែរ។
កន្លងមកសម្តេចក្រឡាហោម ស ខេ ង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ បានដាក់បទបញ្ជាយ៉ាងម៉ឺងម៉ាត់ដើម្បីបង្ក្រាបរាល់ល្បែងស៊ីសងខុសច្បាប់ទាំងឡាយដែលនៅក្នុងមូលដ្ឋានដែលខ្លួន គ្រប់គ្រង ។ លើសពីនេះទៅបើអ្នកគ្រប់គ្រងក្នុងមូលដ្ឋានទាំង ឡាយណា បើហ៊ានសហការជាមួយជាមួយក្រុមឧក្រិដ្ឋជន អនុញ្ញាតអោយបើកល្បែងស៊ីសងខុសច្បាប់នៅក្នុងតំបន់ដែលខ្លួនគ្រប់គ្រងនោះត្រូវទទួលទោសដែលខ្លួនប្រព្រឹត្ត។
ដោយ ៖ វិចិត្រ
