ខេត្តកំពង់ធំ៖ នៅព្រឹឹកថ្ងៃអាទិត្យ ១២កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឺងថ្ងៃទី២៨ ខែមករា ឆ្នាំ២០១៨ ឯកឧត្តម ឧត្តមសេនីយ៍ត្រី សោម ស៊ុន ប្រធានសមាគមអតីយុទ្ឋជនកម្ពុជាខេត្ត កំពង់ធំ បានបន្តដឹកនាំសហការី ចុះ
សាកសួរសុខទុក្ខគ្រួសារអតីតយុទ្ធជនពលីឈ្មោះ ស៊ឹម ស៊ុំ អាយុ ៧២ ឆ្នាំ ត្រូវជាភរិយា លោក នុត ជាង អតីតយោធា
ស្រុកប្រាសាទសំបូរ យោធាខេត្តកំពង់ធំ ដែលបានចូលបម្រើក្នុងជួរកងទ័ពនៅថ្ងៃទី០២ ខែកុម្ភៈ ឆ្នាំ១៩៨៣ ហើយបាន
ពលីជីវិតនៅឆ្នាំ១៩៩២ ។
លោកយាយសុឹម ស៊ុំ មានចៅ កំព្រា ០២ នាក់រស់នៅក្នុងបន្ទុក បច្ចុប្បន្នរស់នៅភូមិទឹអណ្តូង ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ដោយផ្ទះរបស់គាត់មានទំហំ៦មx៧ម ជញ្ជាំងក្តារ ដំបូលប្រក់សុីប្រូសុីម៉ង់ត៍ ត្រូវបានអគ្គិភ័យ
ឆាបនៅអំឡុងវេលាម៉ោង១២:៣០ នាទិី នាថ្ងៃទី២៧ ខែមករា ឆ្នាំ២០១៨ នេះ ដោយគ្មានសេសសល់អ្វីបន្តិចឡើយ គឺនៅ
សល់តែសម្លៀកបំពាក់មួយចង្កេះភ្ជាប់និងខ្លួនតែប៉ុណ្ណោះ ព្រោះពេលភ្លើងឆេះផ្ទះនេះគាត់និងចៅៗនាំគ្នាទៅធ្វើចំការអស់ ហើយបិទទ្វារផ្ទះចោល ។
ក្នុងឱកាសនេះក្រុមការងារដឹកនាំដោយឯកឧត្តម សោម ស៊ុន បានពាំនាំយកនូវអំណោយដ៍ថ្លៃថ្លារបស់សម្តេចតេជោ
ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ឧបត្ថម្ភជូនលោក
យាយ សឹុម ស៊ុំ រួមមាន ÷ អង្ករ ១០០ គ.ក្រ មីចំនួន ០៤ កេស ទឹកត្រីទឹកស៊ីអ៉ីវ ០៤ យួរ មុងជ្រលក់ថ្នាំចំនួន ០២ កន្ទេល
០៤ ធុងទឹកចំនួន ០១ តង់កៅស៊ូចំនួន ០១ ឃីត ០១ កញ្ចប់ (មានភួយ មុង សារ៉ុង) និងថវិកាចំនួន ៦០០,០០០ រៀល សម្រាប់ដោះស្រាយជីវភាពប្រចាំថ្ងៃ និងបានរៀបចំសាងសង់ផ្ទះថ្មី០១ ខ្នង ទំហំ ៤មx៦ម ជូនលោកយាយ សុឹម ស៊ុំ
និងចៅៗកំព្រា សំរាប់រស់នៅពេលអនាគត់។
ជាមួយនោះ អាជ្ញាធរមូលដ្ឋាន និងលោកយាយ សុឹម ស៊ុំ សូមគោរពប្រសិទ្ធិពរ បវរមហាប្រសើរជូនចំពោះ សម្តេចតេជោ
ហ៊ុន សែន និងសម្តេចកិត្តិបណ្ឌិត ប៊ុនរ៉ានី ហ៊ុនសែន សូមមានសុខភាពល្អ កម្លាំងខ្លាំងក្លា ប្រាជ្ញាឈ្លាសវៃ ដើម្បីដឹកនាំនាវាកម្ពុជា ឲ្យឆ្ពោះទៅកាន់ត្រើយសុខសន្តិភាព និងការអភិវឌ្ឍន៍ ហើយនិងសូមជួបប្រទះតែនិងពុទ្ធពរទាំងប្រាំប្រការ គឺ
អាយុ វណ្ណៈ សុខៈ ពលៈ និងបដិភានៈកុំឃ្លៀងឃ្លាតឡើយ ៕
ដោយ ៖ វិចិត្រ
