ខេត្តរតនគិរី ៖ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាអាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីទប់ស្កាត់និងបង្ក្រាប បទល្មើសធនធានធម្មជាតិ នាព្រឹកថ្ងៃទី៨ ខែសីហា ឆ្នាំ ២០១៩នេះ បានដឹកនាំកិច្ចប្រជុំត្រួតពិនិត្យការងារទប់ស្កាត់ និងបង្ក្រាបបទល្មើសធនធានធម្មជាតិ ក្នុងខេត្តរតនគិរី។
ក្នុងកិច្ចប្រជុំមានការចូលរួមពីសំណាក់លោក ថង សាវុន អភិបាល ខេត្តរតនៈគីរី ក្រុមមន្ត្រីពីអន្តរក្រសួង ព្រមទាំងអង្គភាពពាក់ព័ន្ធក្នុងខេត្ត ។
ក្នុងឱកាសនោះ នាយឧត្តមសេនីយ៍ សៅ សុខា មានប្រសាសន៍ថា ការប្រជុំលើកនេះសំខាន់ គឺស្តាប់របាយការណ៍ ក្រុមការងាររបស់គណៈកម្មាជាតិដើម្បីទប់ស្កាត់ និងបង្ក្រាបបទល្មើសធនធានធម្ម ជាតិ ដែលបានធ្វើប្រតិបត្តិការ ជាមួយនឹងគណៈកម្មការ ក៏ដូចជាស្ថានប័នអាជ្ញាធរ និងសមត្ថកិច្ចនានានៅខេត្តដែលបានលេចចេញ ជាលទ្ធផលទាំងផ្នែកវិជ្ជមាន និងអវិជ្ជមាន។
លោកថា ក្រុមហ៊ុនដែលបានទទួលសិទិ្ធដីសម្បទានពីរាជរដ្ឋា ភិបាល ក្នុងការវិនិយោគស្របច្បាប់ ប៉ុន្តែធ្វើសកម្មភាពមិនស្រប ច្បាប់ ដែលនាំឲ្យមានបទល្មើសព្រៃឈើ ហើយបើតាមរបាយ ការណ៍របស់ក្រុមការងារ គណៈកម្មាជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ មានបីចំនុចសំខាន់៖
ទី១៖ ទីតាំង ភូមិសាស្រ្ត កន្លែងដែលក្រុមហ៊ុនវិនិយោគ កន្លែងអភិរក្ស និងអភិវឌ្ឍន៍ រវាងកសិកម្ម និងបរិស្ថានមានចំណុចខ្លះមិនទាន់ឯកភាពគ្នា
ទី២៖ ពាក់ព័ន្ធនឹងការជ្រកក្រោមលេស ឬស្លាកសញ្ញា ក្នុងនោះមានភាពស្របច្បាប់របស់ក្រុមហ៊ុន កាប់ឈើកន្លែងផ្សេងអូសចូលក្រុមហ៊ុន ដើម្បីផលិតចេញជាឈើស្របច្បាប់ ការបង្កើតរោងសន្និធិឈើជាច្រើន ដែលធ្វើឲ្យឈើនេះ ទៅមិនដល់គោលដៅដែលត្រូវទៅ យកឈ្មោះដីសម្បទានសង្គមកិច្ច ដើម្បីទៅកាប់ឈើខុសច្បាប់ ការយកស្លាកសញ្ញាក្រសួងស្ថាប័នរបស់រដ្ឋដើម្បី ជ្រកពួនគេចវេស
ទី៣៖ ការបង្កើតឲ្យមានភាពស្របច្បាប់ ការចេញឯកសារបំពានជាដើម ៕
ដោយ ៖ វិបុល
