រាជធានីភ្នំពេញ ៖ នៅល្ងាចថ្ងៃទី០៧ ខែសីហា ឆ្នាំ២០១៩ អាជ្ញាធរខណ្ឌទួលគោក ចង្អុលបង្ហាញ និងបញ្ជាផ្ទាល់ដោយលោក ឯក ឃុនដឿន អភិបាលនៃគណៈអភិបាលខណ្ឌទួលគោក ដឹកនាំដោយនាយករដ្ឋបាលខណ្ឌរួមជាមួយកម្លាំងសមត្ថកិច្ចប៉ុស្ដិ៍នគរបាលបឹងសាឡាង បានចុះបង្ក្រាបទីតាំងអ៊ិនធឺណេត បង្កប់ល្បែងសុីសង ភ្នាល់បាល់តាមក្រដាស និងបៀរ) គ្មានយីហោ ស្ដិតនៅតាមបណ្ដោយផ្លូវម៉ៅសេងទុង ទល់មុខផ្សារដើមគ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ក្នុងរង្វង់ប្រត្ដិបត្ដិការចុះបង្កប់ទីតាំងខាងលើនេះ អាជ្ញាធរបាធ្វើការ ដកហូតកុំព្យូទ័រជាង២០គ្រឿង និងឃាត់ខ្លួនបុគ្គលិក៤នាក់យកទៅសួរនាំបន្ថែមនៅប៉ុស្ដិ៍នគរបាលរដ្ឋបាលបឹងសាឡាង ។ជាមួយគ្នានោះ អាជ្ញាធរខណ្ឌទួលគោក បានឲ្យដឹងថា ទីតាំងអ៊ិនធើណេតនេះ មានលិខិតអនុញ្ញាត្តិ ពីរដ្ឋបាលរាជធានី ភ្នំពេញ, លិខិតពីនិយ័តករ ទូរគមនាគមន៍កម្ពុជា និងលិខិតរបស់ ការិយាល័យច្រកចេញចូលតែមួយ របស់សាលាខណ្ឌទួលគោក ប៉ុន្ដែទីតាំងខាងលើនេះលួចបង្កប់ល្បែងស៊ីសងខុសច្បាប់ ។
