ខេត្តបន្ទាយមានជ័យ ៖ ប្រភពព័ត៌មានពីមន្ត្រីតូចតាចនៅក្នុងមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្ត បន្ទាយមានជ័យ បានអោយគេហទំព័រ www.rskynews.com ដឹងនៅព្រឹកថ្ងៃទី ០៥ ខែ សីហា ឆ្នាំ ២០១៩ ថា ៖ លោក ប្រាក់ ប៉ូលី ដែលមានតួនាទីជាប្រធានមន្ទីរ ប្រព្រឹត្តអំពើពុករលួយ និងគ្រួសារនិយមដោយ អាងអំណាចឪពុកធម៏ដែលជាមន្ត្រីជាន់ខ្ពស់ក្នុងជួររដ្ឋាភិបាលបច្ចុប្បន្ននេះ។
ជាក់ស្តែងនៅថ្ងៃទី ១ និង ថ្ងៃទី ២ ខែ សីហា ឆ្នាំ ២០១៩ នេះ លោកបានបញ្ជាអោយមន្ត្រីនៅតាមបណ្តាស្រុកនិងក្រុង ដែលស្ថិតនៅក្រោមបង្គាប់របស់លោក ផ្ដិតមេដៃគាំទ្រលោក ហេីយនាំគ្នាបដិសេធរាល់របាយការណ៍ ដែលនិយាយអំពីការដឹកនាំមិនប្រក្រតី គ្រួសារនិយម និងពោពេញដោយពើពុករលួយរបស់លោក ថាជារបាយការណ៍ក្លែងក្លាយវិញ ដើម្បីការពារតំណែងជាប្រធានមន្ទីររបស់ខ្លួន។ សកម្មភាពចាប់បង្ខំមន្ត្រី អោយផ្ដិតមេដៃនេះ បានធ្វើរួចនៅ ក្រុងប៉ោយប៉ែត និង ក្រុងសេរីសោភ័ណ្ឌ និង កំពុងបន្តធ្វើនៅតាមស្រុកផ្សេងៗទៀតក្នុងខេត្តបន្ទាយមានជ័យ ។
ប្រភពបានរាយកាណ៏ថា លោក ប្រាក់ ប៉ូលី ក្រោយបានដឹងថា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគររូបនីយកម្ម និងសំណង់ បានបង្កើតក្រុមការងារចុះធ្វើអធិការកិច្ចនៅមន្ទីរ រៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ ដែលមានខ្លួនជាអ្នកគ្រប់គ្រង ដោយដឹងខ្លឹនមុនទើបលោក ប្រាក់ ប៉ូលី បាននិងកំពុងខិតខំ ត្រៀមរៀបចំរបាយការណ៍ភូតកុហកក្រុមអធិការកិច្ចរបស់ក្រសួងដែលទេីបតែបង្កេីត ដេីម្បីខ្លួនបានបន្តដំណែងជាប្រធានមន្ទីរបន្តទៀត។
សូមរំលឹកថាកាលពីថ្ងៃទី៣០ ខែកក្កដា ២០១៩ ឯកឧត្ដម ជា សុផារ៉ាឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគររូបនីយកម្ម និងសំណង់ បានបង្កើតក្រុមការងារចុះធ្វើអធិការកិច្ចនៅមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ ដោយផ្តោតទៅលើ ៖
១.ចុះធ្វើអធិការកិច្ចលើការងារសុរិយោដី ការងារសំណង់ ការគ្រប់គ្រងបុគ្គលិក និងការផ្តល់សេវាសារធារណៈ
២.ត្រួតពិនិត្យការអនុវត្តផែនការចុះបញ្ជីដីមានលក្ខណៈជាប្រព័ន្ធ
៣.ធ្វើរបាយការណ៌លទ្ធផលនៃការធ្វើអធិការកិច្ចជូនក្រសួង
៤.បំពេញភារកិច្ចផ្សេងទៀតតាមការប្រគល់ជូនរបស់ក្រសួង
ក្រុមការងារធ្វើអធិការកិច្ចនេះមានសមាជិក ៩ រូបដឹកនាំដោយ ឯលោក សរ សុវណ្ណ រដ្ឋលេខាធិការ ក្រសួងរៀបចំដែនដីនគររូបនីយកម្ម និងសំណង់ជា ប្រធាន និង លោកប៉ែន ច័ន្ទ សុខ ខេមរា ជាអនុប្រធាន ។
ការធ្វេីអធិការកិច្ចលេី មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ បានកេីតឡេីងមិនបានមួយសប្ដាហ៍ផងក្រោយពី អង្គភាពប្រឆាំងអំពើពុករលួយ ចាប់ឃាត់ខ្លួនប្រធាន អនុប្រធាន និងមន្ត្រី១រូប នៃ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់ និងបញ្ជូនទៅតុលាការ ។
ប្រភពបានបន្តទៀតថា លោក ប្រាក់ ប៉ូលី ប្រធានមន្ទីរសុរិយាដីនិងសំណង់ ខេត្តបន្ទាយមានជ័យ រូបនេះទោះបីមិនមែនមានគោរម្យងារជាឧកញ៉ា ដែលគេហៅថា សេដ្ឋីក៏ដោយតែលោកមាន ទ្រព្យសម្បត្តិមិនណយដែរ។ លោកបានសង់ ភូមិគ្រឹះមួយ មាន តម្លៃជិត ១លានដុល្លារសហរដ្ឋអាមេរិក នៅភូមិបាលិលេយ្យ១ ទល់មុខនិងផ្សារថ្មីប៉ោយប៉ែត ។ ក្រៅពីសំណង់ដ៏ធំស្គឹមស្គៃនោះ លោក ប្រាក់ ប៉ូលី ក៏បានទិញដីតម្លៃរាប់លានដុល្លារនៅប្លុកកាស៊ីណូស្តារវើហ្គាស ក្រុងប៉ោយប៉ែត ស្ថិតនៅភូមិសាមគ្គីមានជ័យ ដោយដីនោះបានដាក់ឈ្មោះប្រពន្ធ ឈ្មោះ សុះ រីណា ដើម្បីគេចពីអង្គភាពប្រឆាំងអំពើពុកស៊ើបអង្គេត ។
ប្រជាពលរដ្ឋឆ្ងល់ថា ៖ តើលោក ប្រាក់ ប៉ូលលី ទទួលបានប្រាក់ខែប៉ុន្មាន ក្នង១ខែៗ ទើបមានលុយវាល់លានដុល្លារបែបនេះ ? ។មិនដឹងថាតើលោកឱមយិនទៀង អាចពិនិត្យមើលកញ្ចប់ថវិការបស់លោក ប្រាក់ ប៉ូលី បានដែរឬអត់ព្រោះមិនដឹងថាតើគាត់ត្រូវស្ថិតក្នុងច្បាប់ប្រកាសទ្រព្យសម្បត្តិដែរឬអត់នោះទេ? ។
ចំពោះការចុះបញ្ជីរដីធ្លី លក្ខណៈជាប្រពន្ធ័ ដែលនឹងត្រូវបញ្ចប់នៅឆ្នាំ២០២៣ វិញ គឺឃើញថា មានការឃ្លីងឃ្លោងយ៉ាងខ្លាំងបង្កអោយពលរដ្ឋទើសចិត្ត ប៉ះពាល់ដល់គោលនយោបាយថ្នាក់ជាតិទៀតផង។ ជាក់ស្តែងដីនៅចំណុចភូមិសាមគ្គីមានជ័យ សង្កាត់និងក្រុងប៉ោយប៉ែត ដីពលរដ្ឋត្រង់ក្បែរទំនប់ក៥ ពលរដ្ឋថា ដីពួកគាត់មិនត្រូវបានក្រុមការងារចុះបញ្ជីដីធ្លីចេញប្លង់ប្រពន្ធ័អោយនោះទេ ។ ចំណែកដីរបស់លោក ទៀ ចាង មន្ត្រីយោធា ផ្កាយពីរ ដែលនៅទីតាំងដូចគ្នានោះដែរបែរជា លោក ប្រាក់ ប៉ូលី ចេញប្លង់អោយបានយ៉ាងរលួន ដែលជាហេតុធ្វើអោយពលរដ្ឋកើតមន្ទឹលពីរការអនុវ្តន៍ស្តង់ដារពីររបស់លោក ប្រាក់ ប៉ូលី និងអស់ជំនឿលើមន្ត្រីរបស់ស្ថាបន័រដ្ឋ ដោយសារការអនុវត្តការងារមិនប្រក្រតីបែបនេះ ។
ប្រភពព័ត៌មាន បានអោយដឹងថា គ្រាន់តែក្រុងប៉ោយប៉ែត សំណង់ផ្ទះល្វែងជាច្រើន ចាប់ពីកំពស់១ជាន់ឡើងទៅ ខ្នាតតូច និងខ្នាតធំ គឺមានខ្ទង់៧០{cd5bdb6ac61e7c4949e2b5eddea10f7a39669d1fb1784b7fffa616dbf3eb4004}ដែលជាប្រភេទសំណង់មិនរៀបរយដែលបានសាងសង់ ។ ប្រភពបានបន្តទៀតថា សំណង់មិនទាន់រៀបរយខាងលើគេមិនជឿថាលោកប្រាក់ ប៉ូលី មិនដឹងនោះទេ ព្រោះថារាល់សំណង់ទាំងនោះ បើមិននបានឆ្លងកាត់លោក ប្រាក់ ប៉ូលីន ដែលជាបងប្រុសបង្កើត របស់ប្រធានមន្ទីរខាងលើនោះទេគឺកុំស្រម៉ៃថាអាចធ្វើអ្វីបានអោយសោះ!? ។
នៅព្រឹកវេលាម៉ោង០៩ ថ្ងៃទី០២ខែសីហា ឆ្នាំ២០១៩ លោក ប្រាក់ ប៉ូលី ប្រធានមន្ទីរសុរិយោដីខេត្តបន្ទាយមានជ័យ បានប្រាប់ក្រុមសកម្មជនហ្វេសប៊ុកថា លោកពិតជាមានការសោកស្ដាយណាស់ដែលលោកបានឃើញអ្នកសារព័ត៌មានមួយចំនួនបានកំពុងតែសរសេរវាយប្រហារមកលើរូបលោកតាមបណ្ដាញសង្គមហ្វេសប៊ុកដោយគ្រាន់តែយោងតាមរបាយការណ៍របស់ជនអនាមិក២សន្លឹកគ្មានប្រភពច្បាស់លាស់ដែលមានចេតនាអាក្រក់មកមួលបង្កាច់កេរ្តិ៍ឈ្មោះរូបលោកដែលជាប្រធានមន្ទីរទាំងគ្មានការពិតនិងភស្តុតាងជាក់លាក់អ្វីទាំងអស់។ ប៉ុន្តែសម្ដីរបស់លោក ប្រាក់ ប៉ូលី ជាលេសដោះស្រាយយករួចខ្លួន បើចឹងពិតទៅសួរដល់ពលរដ្ឋ ឬ មន្ត្រីរាជការនៅក្រុងប៉ោយប៉ែតនិងនៅក្នុងខេត្តនេះ តើតម្លៃស៊ីញ៉េផ្ទេរកម្មសិទ្ធិដីធ្លីមួយកន្លែងតម្លៃប៉ុន្មាន ហើយលោក ប្រាក់ ប៉ូលី បើគាត់មិនពុករលួយ តើបានប្រាក់មកពីណា ? ។
គួរបញ្ជាក់ថា លោក ប្រាក់ ប៉ូលី ឡេីងមកកាន់តួនាទី ជា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ នេះ បានបង្កអោយមានការរិះគន់ជាខ្លាំង ព្រោះលោកឡេីងផ្លោះពី ប្រធានការិយាល័យភូមិបាលក្រុងប៉ោយប៉ែត មកជាប្រធានមន្ទីរ។ ហើយថែមទាំងទុកតំណែងជាប្រធានការិយាល័យភូមិបាលក្រុងប៉ោយប៉ែតអោយបងប្រុសលោកគឺលោក ប្រាក់ ប៉ូលីន ទៀតផង។
ករណីចោទប្រកាន់ខាងលើចំពោះលោក ប្រាក់ ប៉ូលី អង្គភាពគេហទំព័រ www.rskynews.com យើងបានខិតខំស្វែងរកការបកស្រាយបំភ្លឺពីលោក ប្រាក់ ប៉ូលី តែមិនមានលេខទូរស័ព្ទសំរាប់ធ្វើការទំនាក់ទំនង ទោះយ៉ាងណាអង្គភាពយើងនិងរងចាំការបំភ្លឺគ្រប់ពេលវេលា ដើម្បីស្របតាមច្បាប់នៃរបបសារព័ត៌មាន។
ដោយ ៖ សុភា
