រាជធានីភ្នំពេញ ៖ នាព្រឹកថ្ងៃអាទិត្យ ៥រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនិងថ្ងៃទី២១ ខែកក្តដា ឆ្នាំ២០១៩ នេះលោកឧត្តមសេនីឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដឹកនាំកិច្ចប្រជុំនៅស្នងការដ្ឋាន នគរបាលរាជធានីភ្នំពេញ ដើម្បីដាក់ចេញនូវយុទ្ធនាការរឹតបណ្ដឹងការគោរពច្បាប់ចរាចរណ៍ផ្លូវគោក។
ដោយចាប់ពីថ្ងៃច័ន្ទ ទី២២ ខែកក្កដា ឆ្នាំ២០១៩ស្អែកនេះ តទៅយុទ្ធនាការរឹតបណ្ដឹង ច្បាប់ចរាចរណ៍ផ្លូវគោក នឹងត្រូវចាប់ផ្ដើម នៅតាមបណ្ដាគោលដៅនានា ក្នុងរាជធានីភ្នំពេញ ជាពិសេសរឹតបណ្ដឹង ចំពោះអ្នកបើកបរម៉ូតូ និងអ្នករួមដំណើរ ដែលមិនពាក់មួកសុវត្ថិភាព។ អ្នកជិះម៉ូតូដែលមិនពាក់មួកសុវត្ថិភាពត្រូវឃាត់ហើយតម្រូវឲ្យរកមួកសុវត្ថិភាពមកពាក់ ទើបអនុញ្ញាតឲ្យបន្តដំណើរទៅមុខទៀត។
ក៏ដូចគ្នៅនាដែរនៅថ្ងៃស្អែកនេះដែរ យុទ្ធនាការត្រួតពិនិត្យសារធាតុញៀន និងជាតិស្រវឹង ចំពោះអ្នកបើកបរ និងព្រូរថយន្តធន់ធំ ក៏ត្រូវចាប់ផ្ដើមផងដែរ។ នៅពេលពិនិត្យqរកឃើញអ្នកបើក បររថយន្តធន់ធំ ឬព្រូ មានសារធាតុញៀន ត្រូវឃាត់រថយន្តទុក ហើយស្នើសុំបញ្ជូនអ្នកបើកបរ ឬព្រូរថយន្ត យកទៅស្ដានីតិសម្បទា នៅមណ្ឌលអប់រំ កែប្រែ ឬអាណាព្យាបាល ដើម្បីយកទៅបន្សាបសារធាតុញៀន៕
ដោយ ៖ សុភា
