រាជធានីភ្នំពេញ ៖ នារសៀលថ្ងៃសុក្រ ១០កើត ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែមករា ឆ្នាំ២០១៨ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានទទួលជួបសម្ដែងការគួរសម និងពិភាក្សាការងារជាមួយ ឯកឧត្តម NGUYEN THIEN NHAN សមាជិកការិយាល័យនយោបាយ នៃគណៈកម្មាធិការមជ្ឈិមបក្ស កុម្មុយនិស្តវៀតណាម លេខាគណៈកម្មាធិការបក្សទីក្រុងហូជីមិញ និងជាប្រធានក្រុមតំណាងរាស្ត្រទីក្រុងហូជីមិញ។
ជំនួបថ្ងៃនេះ ក៏បានបង្កើននូវទំនាក់ទំនងសម្ព័ន្ធមេត្រីភាពរវាងរាជធានីភ្នំពេញ និងទីក្រុងហូជីមិញ កាន់តែស្និតស្នាលទាំង
ការទូត ពាណិជ្ជកម្ម សេដ្ឋកិច្ច និងទេសចរណ៍ផងដែរ។
ក្រោយបញ្ចាប់កិច្ចពិភាក្សា ឯកឧត្ដមអភិបាល និងប្រធានគណៈប្រតិភូទីក្រុងហូជីមីញ បានធ្វើពិធីប្រគល់ ទទួលនូវកុំព្យូរទ័រចំនួន ៣០ឈុត ម៉ាសុីនព្រីន ៣០គ្រឿង ដើមគគីរ ៥០០ដើម និងដើមឆ្នុង ៥០០ដើម ជូនរដ្ឋបាលរាជធានីភ្នំពេញ៕
ប្រភពពត៍មានសាលារាជធានីភ្នំពេញ
