ខេត្តឧត្តរមានជ័យ ៖ នាព្រឹកថ្ងៃអាទិត្យ ទី០៩ ខែមិថុនា ឆ្នាំ២០១៩ នេះ លោក ង៉ែត ចាន់ថុន ប្រធានក្រុមការងារចុះជួយស្រុកត្រពាំង ប្រាសាទ ខេត្តឧត្តរមានជ័យ បានរៀបចំកម្មវិធីហូបនំបញ្ចុកសាមគ្គី ជាមួយបងប្អូនមន្រ្តីរាជការ និងបងប្អូនសមាជិក សមាជិការគណ បក្សប្រជាជនកម្ពុជាប្រមាណជាង៦០០នាក់ដើម្បីទទួលទាននំបញ្ចុកសម្លខ្មែរ ក្រោមដំបូលសន្តិភាព។
លោក ង៉ែត ចាន់ថុន បានលើកឡើងថា ការជួបជុំទទួលទាននំ បញ្ចុកជាមហាគ្រួសារខ្មែរនាពេលនេះ បានបង្ហាញឲ្យឃើញពីសាមគ្គីភាព មិត្តភាព ការលើកស្ទួយផលិតផលខ្មែរ ដែលនំបញ្ចុកនេះ គឺជាអាហាររបស់ខ្មែរមួយប្រភេទដ៏ពេញនិយមនៅគ្រប់តំបន់ដោយប្រជាពលរដ្ឋ ចូលចិត្តទទួលទានបំផុតមិនថា ទទួលទានជា ប្រចាំថ្ងៃ ឬពេលមានបុណ្យទានម្តងៗនោះទេ គេតែងរៀបចំនំបញ្ចុកមកទទួលភ្ញៀវជាធម្មតានិងដោយក្តីរីករាយ៕
ដោយ ៖ សុភា
