ខេត្តព្រះវិហារ ៖ នៅវេលាព្រឹកថ្ងៃទី៨ខែមិថុនាឆ្នាំ២០១៩ នៅទីបញ្ជាការដ្ឋានកងរាជអាវុធខេត្តព្រះវិហារបានប្រារព្ធពិធីបិទវគ្គហ្វឹកហ្វឺនបំប៉នមុខវិជ្ជាយោធាច្បាប់ និងជំនាញវិជ្ជាជីវៈ កងរាជ អាវុធហត្ថខេត្តព្រះវិហារ សម្រាប់មាសទី១ ឆ្នាំ២០១៩។
ពិធីនេះប្រារពធ្វើឡើងស្ថិតក្រោមអធិបតីភាពឯកឧត្តម អ៊ុន ចាន់ដា អភិបាលខេត្តព្រះវិហារ និងលោកឧត្តមសេនីយ៏ត្រី កង ដៅគុណ មេញ្ជាការកងរាជអាវុធខេត្ត ព្រមទាំងប្រធានអនុប្រធានមន្ទីរ នាយៗរងសេនាធិការកងរាជអាវុធហត្ថ និងមន្ត្រីរាជការចំណុះអោយសាលាខេត្តព្រះវិហារជាច្រើនរូបផងដែរ។
លោកឧត្តមសេនីយ៏ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារបានអញ្ជើញមានប្រសាសន៏ និងអាននូវរបាយកាណ៏បញ្ជាក់ដល់គណះអធិបតីក្នុងអង្គពិធីនោះថា ៖ វគ្គហ្វឹកហ្វឺនសម្រាប់ឆមាសទី១ដើមឆ្នាំ២០១៩ ហើយដែលត្រូវបិទវគ្គនាឪកាសនេះគឺមានសិក្ខាកាមចូលរួមចំនួន៥៥នាក់ក្នុងនោះស្រីចំនួន៦នាក់ដោយហ្វឹកហ្វឺនរយះពេល១ខែ។
ឯកឧត្តមមេបញ្ជាការក៏បានបញ្ជាក់ផងដែរចំពោះលទ្ធផលសិក្ខាកាមទទួលបានពីវគ្គហ្វឹកហ្វឺននាឪកាសនោះដោយនិទ្ទេសA ៤០នាក់ដែលស្មើនឹង៧៥{cd5bdb6ac61e7c4949e2b5eddea10f7a39669d1fb1784b7fffa616dbf3eb4004}និទេ្ទសB១៣នាក់ស្មើនិង២០{cd5bdb6ac61e7c4949e2b5eddea10f7a39669d1fb1784b7fffa616dbf3eb4004}នឹងនិទេ្ទសC២នាក់ស្មើនឹង៥{cd5bdb6ac61e7c4949e2b5eddea10f7a39669d1fb1784b7fffa616dbf3eb4004}។
មានមតិផ្តាំផ្ញើនាឪកាសនោះ ឯកឧត្តមអ៊ុន ចាន់ដា អភិបាលខេត្តព្រះវិហារក៏បានអញ្ជើញមានប្រសាសន៏កោតសរសើរដល់នាយនឹងពលសិក្ខាកាមកងកំលាំងរាជអាវុធហត្ថខេត្តព្រះវិហារទាំងអស់ដែលបានខិតខំគោរពវិន័យនិងក្រេបជញ្ជក់យកនូវចំណេះដឹងពីការហ្វឹកហ្វឺននេះទទួលបាននូវផ្លែផ្កាគួរអោយកត់សំគាល់នេះ។
បន្ថែមលើនោះឯកឧត្តមក៏បានដាស់តឿនក្រើនរំលឹកដល់អង្គសិក្ខាកាមដែលបានចូលរួមបិទវគ្គហ្វឹកហ្វឺនលើផ្នែកច្បាប់នាពេលនេះដោយធ្វើយ៉ាងណាត្រូវយកចំណេះវិជ្ជាទាំងនេះប្រើប្រាស់អោយចំគោលការណ៏ ព្រមទាំងមានប្រសិទ្ធភាពខ្ពស់ដើម្បីការពារជាតិ ការពារព្រះមហាក្សត្រ ការពាររដ្ឋធមនុញ្ញ និងការពាររាជរដ្ឋាភិបាលដែលប្រសូត្រចេញពីកាបោះឆ្នោតដោយស្របច្បាប់កន្លងមកនោះ ៕
ដោយ ៖ វិបុល
