ខេត្តកណ្តាល ៖ យុវជន២នាក់ត្រូវសម្ថកិច្ចឃាត់ខ្លួនកាលពីថ្ងៃព្រហស្បត្តិ៩កើត ខែមាឃឆ្នាំរកា ព.ស ២៥៦១ត្រូវនឹងថ្ងៃទី២៥ខែមករាឆ្នាំ២០១៨ វេលាម៉ោង ២និង៣០នាទីយប់ ត្រង់ចំណុច លើផ្លូវជាតិ២១ ភូមិព្រែកសំរោង១ សង្កាត់តាខ្មៅក្រុងតាខ្មៅ ខេត្តកណ្តាល ។
ប្រតិបត្តការបង្ក្រាបគ្រឿងញៀននេះដោយកំលាំងអន្តរាគមន៏ក្រុងតាខ្មៅបានល្បាតការពារសុវត្តិភាពជូនប្រជាពលរដ្ឋជាប្រ ចាំក្នុងដែនសមត្ថកិច្ចរបស់ខ្លួន ដូច្នោះហើយនៅវេលាម៉ោង២.៣០នាទីយប់កំលាំងល្បាតបានប្រទះឃើញជនសង្ស័យបាន ធ្វើដំណើរតាមបណ្តោយផ្លូវ២១ គួរអោយសង្ស័យ ពេលនេះសមត្ថកិច្ចបានហៅអោយឈប់ដើម្បីសាកសួរ និងឆែកឆេរ ក៏រក ឃើញថ្នាំញៀនចំនួន១២កញ្ចប់តូចតែម្តង។
ជនសង្ស័យត្រូវឃាត់ខ្លួនមានចំនួន២នាក់ទី១.ឈ្មោះ ខន សុដានិត ភេទ ប្រុស អាយុ១៩ឆ្នាំ មុខរបរអង្គរក្បនៅបន្ទាយស្វាយរលំទីលំនៅបច្ចុប្បន្ននៅភូមិព្រែកសំរោងសង្កាត់តាខ្មៅក្រុងតាខ្មៅខេត្តកណ្តាល និងទី២.ឈ្មោះ ផល សម្បត្តិ ភេទប្រុសអាយុ២០ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិលេខ១ ឃុំស្វាយរលំ ស្រុកស្អាង ខេត្តកណ្តាល ព្រមទាំងវត្ថុតាងម្សៅក្រាមពណ៌សថ្លាសង្ស័យថាជាសារធាតុញៀន ចំនួន១២កញ្ចប់ តូច។
នៅចំពោះមុខសមត្ថកិច្ចនគរបាលជនសង្ស័យទាំង០២នាក់បានឆ្លើយសារភាពថាថ្នាំញៀននេះខ្លួនបានទិញពីបុរសម្នាក់នៅម្តុំបឹងត្របែកហើយយកលក់បន្តអោយ ឈ្មោះ ថានៅម្តុំស្ពានព្រែកតាងហ៊ុនភូមិព្រែកសំរោង១សង្កាត់តាខ្មៅក្រុងតាខ្មៅខេត្តកណ្តាលពិតប្រាកដមែន។
បច្ចុប្បន្ននេះជនសង្ស័យរួមនឹងវត្ថុតាងត្រូវបានបញ្ជូនមកអធិការដ្ឋាននគរបាលក្រុងតាខ្មៅ ដើម្បីសាកសួរបន្ត និងកសាងសំណុំរឿង ចាត់ការតាមនីតិវិធីច្បាប់ ៕
ដោយ ៖ វិចិត្រ
