ខេត្តត្បូងឃ្មុំ ៖ នៅល្ងាចថ្ងៃទី ៥ ខែ មិថុនា ឆ្នាំ ២០១៩នេះ រថយន្តដឹងឈេីប្រភេទលេខមួយឃ្លុំបួនជ្រុង បានក្រឡាប់ផ្ងារជេីងខ្ជាក់ឈេីចោលពាសពេញផ្លូវ ដែលគេស្គាល់ថា ជារថយន្ដដឹកឈេី របស់លោកឧកញ៉ាឈេី សឹង សំអុល ក្រឡាប់ នៅចំណុច អន្លង់ជ្រៃ ស្រុកពញាក្រែក ខេត្តត្បូងឃ្មុំ។
ប្រភពពីកន្លងកើតហេតុបានឲដឹងថា រថយន្តដឹកឈេីរបស់ ឧកញ៉ាឈើខាងលើរូបនេះ ជាប្រភេទរថយន្តធុនធំកែទ្រង់ខ្នាតយក្ស ដឹកឈេីប្រភេទលេខមួយ បម្រុងលោតឆ័ត្រទៅលក់នៅប្រទេសវៀតណាម តែចៃដន្យត្រូវបានក្រឡាប់យ៉ាងស្រួល ប្រហែលជាត្រូវទំនាយរបស់របស់ម្ចាស់ព្រៃភ្នំ តែម្ចាស់ស្រុកមកសែនទាន់។
តាមប្រភពច្បាស់ការណ៍បានអោយដឹងថា ក្រោយពេលរថយន្តដឹកឈេីក្រឡាប់ សមត្ថកិច្ចព្យាយាមលាក់បាំង ព័ត៌មាន យ៉ាងខ្លាំងបំផុត ដល់អ្នកសារព័ត៌មាន និងបានហៅរថយន្តមកស្ទូច ឡាន ដែលក្រឡាប់យ៉ាងលឿន ហេីយបានយករថយន្តផ្សេងមកសាងឈេី ដែលរាយប៉ាយនោះយ៉ាងឆាប់រហស់បំផុត។
ប្រភពពីប្រជាពលរដ្ឋបានអោយដឹងថា ការដឹកជញ្ជូនឈេីរបស់ ឧកញ៉ាឈេី សឹង សំអុល ទៅលក់នៅប្រទេសវៀតណាម គ្មានអ្វីចំឡែកនោះទេ ព្រោះលោក ឧកញ៉ាឈេីរូបនេះ រកសុីដឹកជញ្ជូន ជាក្បួនរថយន្ដយឺឌុប វ៉េអង កែទ្រង់ ខ្នាតយក្ស ច្រេីនឆ្នាំមកហេីយ ដោយគ្មានសមត្ថកិច្ចជំនាញណាហានបង្ក្រាបឡើយ ទោះបីឈ្មួញ ឧក្រិដ្ឋព្រៃឈើរូបនេះត្រូវមានឈ្មោះក្នុងបញ្ជីខ្មៅរបស់សម្តេច ហ៊ុន សែន ក៏ដោយ ក៏បុគ្គលរូបនេះនៅតែរួចខ្លួនដ៏ដែល។
រហូតដល់ពេលនេះបុគ្គល ស៊ឹង សំអុល នៅតែដឹកជញ្ជូនឈេីស្ទេីអស់ពីក្នុងព្រៃ ពីប្រទេសកម្ពុជាទៅហេីយ នៅតែមិនទាន់ឃេីញមានជំនាញ រឺសមត្ថកិច្ចណា ហ៊ានធ្វេីការសួរនាំឬបង្ក្រាបនោះទេ គឺមានតែជួយសម្រប់សម្រួល នឹងនៅតែបន្តបំភ័ណ្ឌ ធ្វេីអោយមានច្បាប់ខ្លះ អត់ច្បាប់ខ្លះ ដេីម្បីយកលេះថាឈេីមានច្បាប់ដឹកចេញពីព្រៃសម្បទាន ដេីម្បីជួយសម្រួលងាយស្រួលក្នុងដឹកជញ្ជូនទៅវិញ។
ទោះបីជា ប្រមុខរាជរដ្ឋាភិបាន បានដាក់បទបញ្ជាយ៉ាងតឹងរឹង ដល់គណៈបញ្ជាការឯកភាពខេត្ដ ដេីម្បីធ្វេីការទប់ស្កាត់បង្ក្រាប ការកាប់ដឹកជញ្ជូនឈេី អោយខានតែបានយ៉ាងណាក៏ដោយ ក៏ឧកញ៉ាឈេី រូបនេះនៅតែដឹកជញ្ជូនឈេីបានជាដដែលៗ ដោយមានការឃុបឃិតគ្នាជាប្រព័ន្ធទៅបានយ៉ាងរលូន។ ដោយផ្គេីននឹងបទបញ្ជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលសម្តេច បានដាក់បទបញ្ជា អោយធ្វេីការទប់ស្កាត់ បង្ក្រាបបទល្មេីសធនធានធម្មជាតិអោយខានតែបាននោះ ប៉ុន្តែអនុសាសន៍ របស់សម្តេចតេជោ ហាក់បីដូចជា មិនទាន់មានប្រសិទ្ធភាពនៅឡេីយទេ ព្រោះមន្ត្រីថ្នាក់ក្រោម មិនអនុវត្ត ហេីយបែជា ឃុបឃិតគ្នាជាប្រព័ន្ធ ដេីម្បីផលប្រយោជន៍រៀងៗខ្លួនវិញ។
ប្រភពបានបន្តថា បេីមន្ត្រីថ្នាក់ក្រោម ធ្វេីការអនុវត្ដតាមប្រសាសន៍ រឺក៏បទបញ្ជា សម្តេចតេជោ ដោយគ្មានការឃុបឃិតគ្នាជាប្រព័ន្ធនោះ ក៏លោកឧកញ៉ាឈេីរូបនេះ មិនអាចដឹកជញ្ជូនឈេីឆ្លងកាត់ជាច្រើនខេត្ដបានបែបនេះនោះដែ។
ជុំវិញសេចក្តីរាយការណ៌ចោទប្រកាន់ឈ្មួញឈើ ស៊ឹង សំអុល នៅវេលាព្រឹកថ្ងៃទី០៦ ខែមិថុនា ឆ្នាំ២០១៩ នេះអង្គភាពគេហទំព័រ www.rskynews.com យើងមិនអាចសុំការបំភ្លឺពីលោក ស៊ឹង សំអុល បានឡើយ ដោយហៅទូរស័ព្ទចូលជាច្រើនដងគ្មានអ្នកលើក តែយ៉ាងណា អង្គភាពយើងនិងរងចាំការបកស្រាយពន្យល់គ្រប់ពេលវេលា៕
ដោយ ៖ កូឡាប
