សៀមរាប ៖ នាព្រឹកថ្ងៃអាទិត្យ១៣រោជខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៤ ខែមករា ឆ្នាំ២០១៨ ឯកឧត្តម អ្នកឧញ៉ា សៀង ណាំ តំណាងរាស្ត្រមណ្ឌលសៀមរាបនិងលោកជំទាវ អ៊ុន វ៉ុនលី បានអញ្ជើញចូលរួមក្នុងពិធីបុណ្យផ្កាប្រាក់សាមគ្គី ដើម្បីកសាងកុដ ជាបន្តនៅវត្តប្រាសាទរង្សី ស្ថិតនៅភូមិដំណាក់ស្លាញ ឃុំសសរស្តម្ភ ស្រុកពួក ខេត្តសៀមរាប។
ថ្លែងក្នុងពិធីសំណេះសំណាលនេះ ឯកឧត្តម អ្នកឧកញ៉ា បានជំរាបជូនលោកយាយលោកតា ពីការផ្តាំផ្ញើសួរសុខទុក្ខពីប្រមុខដឹកនាំគណបក្យប្រជាជនកម្ពុជា ជាពិសេស សម្តេច ហ៊ុន សែន និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចជាកាលលោកទាំងពីរតែងតែមានការខ្វល់ខ្វាយពីជីវភាពរស់នៅរបស់ប្រជាជនកម្ពុជាយើង ។
ក្នុងឧិកាសនោះ ឯកឧត្តម អ្នកឧកញ៉ា និងលោកជំទាវ បានចែកជូនអំណោយផ្ទាល់ខ្លួនដល់លោកយាយ លោកតាចំនួន ៣៨៧នាក់ ក្នុងម្នាក់ៗ អង្ករ១បេ ២០កគ ប្រាក់២០ពាន់រៀល ក្រណាត់ស១ដុំ និងប្រេងក្រឡា១ដប និងបានចូលបុណ្យបច្ច័យ ៧០០ដុល្លារ ។ លោកយាយ លោកតា ទាំងអស់មានការសប្បាយរីករាយ និងស្វាគមន៏យ៉ាងកក់ក្តៅចំពោះទឹកចិត្តសប្បុរសធម៏របស់ឯកឧត្តមអ្នកឧកញ៉ា និងលោកជំទាវ និងបានសន្យាគាំទ្រ យ៉ាងពេញទំហឹង ចំពោះឯកឧត្តម នឹងបោះឆ្នោតជូនគណបក្សប្រជាជនកម្ពុជា ដែលមានសម្តេច អគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ដើម្បីដឹកនាំប្រទេសជាតិឲ្យមានការអភិវឌ្ឍ រីកចំរើនថែមទៀត។
ដោយ ៖ សំណាង
