ខេត្តសៀមរាប ៖ ប្រភពពីពលរដ្នរស់នៅភូមិអន្លង់ពី ថ្លែងប្រាប់អ្នកសារព័ត៌មានគេហទំព័រ www.rskynews.com អោយដឹងថាជំរៅរណ្ដៅ ដីរបស់ថៅកែដី ឈ្មោះតាតេះ បានជីកដីលក់នៅភូមិអន្លង់ពីរ ឃុំត្រពាំងធំ ស្រុកប្រាសាទបាគង មានជំរៅរណ្ដៅដីជ្រៅដល់ក្បាលប្រែត ដោយសារតែមានការឃុបឃិតពីសំណាក់ លោក មាស ជូរ៉ានី ប្រធានមន្ទីររ៉ែ ថាមពលខេត្តសៀមរាបជាអ្នកបើកដៃ អោយឈ្មួញ នេះជា យូរឆ្នាំមកហើយដោយមានការសង្ស័យថា ដោយសារតែបានទទួលសំណូក យ៉ាងក្រាសក្រាលនិងត្រជាក់ចិត្ត។
ពាក់ព័ន្ធនិងការរឹះគន់នេះ លោក មាស ជូរ៉ានី ប្រធានមន្ទីររ៉ែថាមពលខេត្តសៀមរាប បានទទួលស្គាល់ថារណ្ដៅដី នៅទីនោះពិតជាជ្រៅហួស ច្បាប់អនុញ្ញាតមែន !តែលោកថៅកែចាស់ដុះស្លែរម្នាក់នេះនៅតែអាចជីកយកអាចម៏ដីលក់ដដែល គ្មានវិធានការណ៏ណាដែលអាចមានប្រសិទ្ធភាពទៅលើឈ្មួញដីនេះអោយខ្លាចរអារនោះឡើយ ព្រោះដឹងចិត្ត ដឹងថ្លើម លោកប្រធានមន្ទីររ៉ែ ថាមពល រួចស្រេចហើយទើបឈ្មួញអាចដំណើរការជីកយកអាចម៍ដីលក់យ៉ាងរលូនមិនខ្វល់ពីច្បាប់។
មហាជនសំលឹងឃើញថា រាប់ឆ្នាំមកហើយតាំងពីលោក មាសជូរ៉ានី ឡើងកាន់ដំណែងជាប្រធានមន្ទីរ រ៉ែ ថាមពល ខេត្តសៀមរាប រួចមក ឃើញថាមានឈ្មួញដ៏ច្រើនបានកំពុងតែជីកយកអាចម៍ដីលក់ រណ្ដៅជ្រៅហួសច្បាប់កំណត់ ដូច្នេះ គួរណាស់តែ ឯកឧត្តម ទៀ សីហា អភិបាលនៃគណះអភិបាលខេត្តសៀមរាប គួរមានចំណាត់ការលើលោកប្រធានមន្ទីរនេះផង។
រាល់ការចោទប្រកាន់ខាងលើនេះ អង្គភាពគេហទំព័រ www.rskynews.com មិនអាចសុំការបំភ្លឺពីលោក មាស ជូរ៉ានី បានទេនៅព្រឹកថ្ងៃអាទិត្យនេះ ដោយហៅទូរស័ព្ទចូលច្រើនដងគ្មានអ្នកទទួល ទោះយ៉ាងណាអង្គភាពយើងនិងរងចាំការបំភ្លឺគ្រប់ពេលវេលាពីភាគីលោកប្រធានមន្ទីរ ដើម្បីបំភ្លឺជូនសារធារណៈជនជ្រាបតាមរបបសារព័ត៌មាន៕
ដោយ ៖ វិបុល
