ខេត្តឧត្ដរមានជ័យ ៖ នៅថ្ងៃទី២៧ខែឧសភាឆ្នាំ២០១៩ នេះប្រជា ពលរដ្ឋចំនួន៣គ្រួសាររស់នៅភូមិស្រឡៅស្រោង ឃុំលំទង ស្រុកអន្លង់វែង ខេត្តឧត្ដរមានជ័យ បានអំពាវនាវដល់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា តាមរយៈឯកឧត្តម ជា សុផារា រដ្ឋមន្រ្តីក្រសួង ដែនដី នគរូបនីយកម្ម សំណង់ និង សុរិយោដី ជួយអន្តរាគមន៍ដល់ពួកគាត់ផង ពីព្រោះដីស្រែចំការរបស់ពួកគាត់ចំនួន១៥ហិតាស្ថិតនៅភូមិភូមិស្រឡៅស្រោង ឃុំលំទង ស្រុកអន្លង់វែង ត្រូវបាន លោក គឹម គាវិន ប្រធានមន្ទីសុរិយោដីខេត្ត ឧត្ដរមានជ័យ ចេញបណ្ណ័កម្មសិទ្ធ ក្រោយប័ណ្ណសារាចរលេខ០១ របស់ក្រុមយុវជនស្ម័គ្រចិត្ដសម្តេច តេជោ កាលពី២០១៤ ទៅអោយឈ្មួញជាអ្នកមានអំណាចលក់បន្តគ្នា។
ប្រជាពលររដ្ឋដែលរងគ្រោះទី១÷ឈ្មោះ ហ៊ឹម ឌឿ ភេទប្រុសអាយុ៥០ឆ្នាំ និងប្រពន្ធឈ្មោះ អង់យឿន, ទី២÷ឈ្មោះ សៀវ គ្រឺត ភេទប្រុសអាយុ៥០ឆ្នាំ ប្រពន្ធឈ្មោះផង់ ភន, ទី៣÷ឈ្មោះនាង ម៉េត ភេទប្រុសអាយុ៥៣ឆ្នាំ និងប្រពន្ធឈ្មោះសុខហេង។ ពួកគាត់ទាំងបីគ្រួសាររស់នៅភូមិស្រឡៅស្រោង ឃុំលំទង ស្រុកអន្លង់វែង ខេត្ដរឧត្ដរមានជ័យ។
ប្រជាពលរដ្ឋខាងលើបានលើកឡើងថា ពួកគាត់បានកាន់កាប់អាស្រ័យផលចាប់តាំងពីឆ្នាំ២០០៣រហូតមកដល់ឆ្នាំ២០១៩ ស្រាប់ តែចេញមុខ ឈ្មោះ នួន ធា ជានាយទាហ៊ាននៅយោធ ភូមិភាគទី៤ ទៅរារាំង និងមានអ្នកទិញដីចំនួនពីរនាក់បានកាន់បណ្ណ័កម្មសិទ្ធចេញដោយលោក គឹម គាវិន នៅឆ្នាំ២០១៤ដោយមានឈ្មោះទី១÷ ឈ្មោះ នាង ហាក់គឹមលាង ក្បាលដីលេខ១២៧២។ទី២÷ឈ្មោះ នាង ហាក់សាមឌី លេខរាងក្បាលដី១២៧៣ ជាបណ្ណ័កម្មសិទ្ធ(ប្លង់រឹង)ដែលលោកប្រធានមន្ទីសុរិយោដី លោក គឹម គាវិន ផ្ដល់ជូនអ្នកទិញដីខាងលើ ចំនួនពីរប្លង់ស្មើនិងផ្ទៃក្រឡាជិត២០ហិចតា ដែលបណ្ណ័សារាចរលេខ០១កំណត់ចេញបណ្ណ័នៅលើផ្ទៃដីតែ៥ហិចតា ប៉ុណ្ណុះក្នុងមួយបណ្ណ័។ ចាប់តាំងពីលោកគឹមគាវិន ប្លោះតំណែង ពីប្រធានការិយាល័យភូមិបាលស្រុកអន្លង់វែងទៅជាប្រធានមន្ទីសុរិយោដីខេត្តភ្លាម ពលរដ្ឋរងគ្រោះខ្លាំងណាស់ គឺប្រឈមនិងអស់ដីស្រែសំរាប់បង្កបង្កើនផលចិញ្ចឹមជីវិតតែម្ដង។
ប្រជាពលរដ្ឋទាំងបីគ្រួសារខាងលើបានបញ្ជាក់ថា ពេលក្រុមយុវ ជនស្មក្រ័ចិត្តរបស់សម្ដេចតេជោ ហ៊ុន សែន ចុះវាស់វែងពួកគាត់បានត្រឹមឯកសារពាក់ពន្ធ័រួចជាស្រេច ហើយទៅរងចាំនៅនិងដីរបស់ពួកគាត់អស់ជាច្រើនថ្ងៃ រហូតដល់ក្រុមការងារវាស់វែងបានផ្អាក ពួកគាត់ក៍មិនបានធ្វើបណ្ណ័កម្មសិទ្ធ ចាប់ពីពេលនោះមកហើយពួកគាត់ក៍បានបង្ករបង្កើនផលរហូតមកជិត២០ឆ្នាំគឺចាប់ តាំងពីឆ្នាំ២០០៣រហូតមកដល់ឆ្នាំ២០១៩នេះស្រាប់តែ មានអ្នកចេញមុខថាជាដីរបស់គេ ទៅវិញនិងកាន់បណ្ណ័កម្មសិទ្ធសារាចរលេខ០១ ដែលចុះហេត្ថលេខាដោយលោក គឹម គាវិន នៅឆ្នាំ២០១៤។
ពលរដ្ឋសង្ស័យថាការចេញបណ្ណ័កម្មសិទ្ធរបស់លោក គឹម គាវិន ប្រធានមន្ទីសុរិយោដីខេត្តឧត្ដរមានជ័យ មានភាពមិនប្រក្រតី លួចបំពេញឯកសារចេញបណ្ណ័ក្រោយយុវជនស្មគ្រចិត្តសម្ដេចតេជោ ចុះបំពេញភារកិច្ចនៅឆ្នាំ២០១៣។
រាល់សេចក្តីចោទប្រកាន់ខាងលើនេះអង្គភាពគេហទំព័រ www.rskynews.com យើងមិនអាចសុំការបំភ្លឺពីលោក គឹម គាវិន ប្រធានមន្ទីសុរិយោដីខេត្តឧត្ដរមានជ័យ បានទេ ដោយគ្មានលេខទូរស័ព្ទ ទោះយ៉ាងណាអង្គភាពយើងនិងរងចាំការបំភ្លឺគ្រប់ពេលវេលា ដើម្បីស្របតាមច្បាប់នៃរបបសារព័ត៌មានជាតិ៕
ដោយ ៖ វិបុល
