ខេត្តពោធ៌៍សាត់ ៖ សេចក្ដីរាយការណ៍ជាបន្តបន្ទាប់ចេញពីប្រជាពលរដ្ឋនិងប្រជាសហគមន៍ការពារព្រៃឈើក្នុងស្រុកភ្នុំក្រវ៉ាញនិង ស្រុក វាល វែងបានអោយ អង្គភាពគេហទំព័រ www.rskynews.com ដឹងថាបច្ចុប្បន្នឈ្មួញឈើ ហ៊ន ផាន្នី កំពុងតែមានឥទ្ធិ ពលខណះ មេឈ្មួញរូប នេះបានដាក់បណ្ដាញប្រមូលទិញឈើស្ទើគ្រប់កន្លែងនៅក្នុង ស្រុកវាលវែង និងស្រុកភ្នំក្រវាញ យ៉ាងពេញបន្ទុក និងបន្តដឹកចេញឆ្លងកាត់ ស្រុកភ្នំក្រវាញ ចូលក្រុងពោធិ៍សាត់ ឆ្លងខេត្តកំពង់ឆ្នាំង និងឆ្លងកាត់ខេត្តកំពង់ស្ពឺ ហើយដឹកបន្តលក់ឱ្យក្រុមឈ្មួញនៅរាជធានីភ្នំពេញ ការ ដឹកជញ្ជូនឈើនេះគេសង្កេតឃើញទៅមុខដោយរលូនគ្មានការរំខានពីសមត្ថកិច្ចតាមដងផ្លូវឡើយ ។
ប្រភពបានបន្តអោយដឹងថាថ្មីៗនេះមេឈ្មួញឈើ ហ៊ន ផាន្នី នៅតែបន្តទំលាក់លុយយ៉ាងច្រើនសន្ធឹកសន្ធាប់អោយ បណ្ដាញរបស់ខ្លួនគ្រប់ ទីកន្លែងប្រមូលទិញឈើ និងដឹកជញ្ជូនឈើ ចេញពីស្រុកវាលវែង និងស្រុកភ្នំក្រវាញ ឆ្ពោះទៅទីក្រុងភ្នំពេញ បានដោយសេរី និងមានជា លក្ខណះទ្រង់ទ្រាយធំផងដែរ។
ប្រភពចេញពីប្រជាពលរដ្ឋដែលស្រឡាញ់ធនធានធម្មជាតិព្រៃ ឈើនិងប្រជាសហគមន៍ការពារព្រៃឈើ ក្នុងស្រុកភ្នុំក្រវ៉ាញ និងស្រុកវាលវែង បានឱ្យដឹងបន្ថែមថា ទោះមេឈ្មួញហ៊ន ផាន្នី ប្រមូលទិញឈើ និងដឹកជញ្ជូនឈើ ចេញពីស្រុកវាលវែង និងស្រុកភ្នំក្រវាញ ឆ្ពោះទៅទីក្រុ ង ភ្នំពេញជាទ្រង់ទ្រាយធំ យ៉ាងនេះក្ដី នៅតែលោកអភិបាលខេត្តពោធិ៍សាត ម៉ៅ ធនិន្ទ និងលោក ឡាយ វិសិដ្ឋ ប្រធានមន្ទីរកសិកម្ម ខេត្ត ពោធិ៍ សាត់ និងអស់លោកជាមេព្រៃនៅតែមិនព្រមបញ្ចេញកម្លាំងទៅទប់ស្កាត់និងបង្ក្រាបនោះទេ ?ដោយបន្តរក្សាភាព ស្ងៀមស្ងាត់ មិន មានវិធា ន ការទប់ ស្កាត់ និងបង្ក្រាបឡើយ សង្ស័យសមត្ថកិច្ចក្នុងខេត្តមួយនេះចាត់ ទុកមេឈ្មួញ ហ៊ន ផាន្នី ជាប្រភពចំណូលរបស់ពួកគេ ទើបពួកគេ បណ្ដោយ ឲ្យមេឈ្មួញ ហ៊ន ផានី បន្តប្រមូលទិញឈើនិងដឹក ជញ្ជូនចេញស្រេចតែអំពើចិត្តបែបនេះ ។
សូមជំរាបថា ៖ កាលពីអំឡុង ខែកក្កដា ឆ្នាំ ២០១៧ តុលាការសាលា ដំបូង ខេត្តពោធិ៍សាត់ ក៏ធ្លាប់កត់ត្រាឈ្មោះមេឈ្មួញ ហ៊ន ផាន្នី ដែលល្បី ល្បាញ ខាង បន្តកាប់ព្រៃឈើនិងប្រមូលទិញឈើ ដឹក ជញ្ជូនចេញពី ស្រុកវាលវែង និងស្រុកភ្នំក្រវាញ យ៉ាងគឃ្លើននោះ ចូលក្នុងបញ្ជីខ្មៅ ផងដែរ ។ ប៉ុន្តែបញ្ជីខ្មៅរបស់តុលាការខេត្តពោធ៌សាត់ត្រូវបានមហាជនរិះគន់ថា គ្រាន់តែយកប្រាក់ដុល្លារខ្ទុងពាន់ទៅទិញសាប៊ូលុច យក មកដុះលាងសើៗក៏អាចជ្រះបានដែរ ដូចជាករណីមេឈ្មួញឈើឈ្មោះ ហ៊ន ផាន្នី រស់មានសេរីភាពជារហូតមកមិនតែប៉ុណ្ណោះ មេឈ្មួញ មួយ នេះថ្លើមធំណាស់នៅបន្តរកស៊ីល្មើសច្បាប់ធ្វើ សកម្មភាព ប្រមូលទិញឈើ និង ដឹកជញ្ជូនឈើដោយ សេរីខណះសមត្ថកិច្ច សម្ងំនៅស្ងៀម បណ្តែតបណ្តោយឲ្យមេឈ្មួញឈើ ហ៊ន ផាន្នី ធ្វើអ្វីៗ ស្រេចតែអំពើចិត្តរបស់ខ្លួន។
រាល់សេចក្តីរាយការណ៏ចោទប្រកាន់ពាក់ព័ន្ធករណីនេះអង្គភាពគេហទំព័រ www.rskynews.com យើងមិនអាចទាក់ទងសុំការបំភ្លឺពីលោក ហ៊ន ផាន្នី បាននៅឡើយទេនៅថ្ងៃ៣១ ខែឧសភា ឆ្នាំ២០១៩ នេះដោយគ្មានលេខទូរសព្ទ័ទំនាក់ទំនង ។ យ៉ាងណាក្ដីសារព័ត៌មាន យើងរង់ចាំ គ្រប់សាមុីពាក់ពន្ធ័មកធ្វើការបកស្រាយគ្រប់ពេលវេលាដើម្បីឆ្លុះបញ្ចាំងការពិតស្របតាមច្បាប់ស្តីពីរបបសារព័ត៌មាន៕
ដោយ ៖ វិបុល
