ខេត្តក្រចេះ ៖ ជារៀងរាល់យប់នៅតាមបណ្តោយផ្លូវជាតិលេខ៧ អា ឆ្ពោះទៅបណ្តោយផ្លូវជាតិលេខ៧៣ក្រចេះ ឆ្លូង គេតែងតែសង្កេត ឃើញ មានរថយន្តសាំយ៉ុងកែឆ្នៃតរឺម៉ក និង ខ្លះទៀតកែដាក់កងឌុបបានដឹកឈើជាច្រើន ម៉ែត្រគូបក្នុងមួយ រថយន្តៗហើយក្នុង មួយយប់មិនតិចជាង ៤០គ្រឿងនោះទេ ហើយមួយគ្រឿងៗផ្ទុកមិនតិចជាង១០ម៉ែត្រគូបនោះដែរ ដែលត្រូវបានគេស្គាល់យ៉ាងច្បាស់ថាជារបស់លោក ទឹម ជាមន្ត្រី យោធារកស៊ីឈើល្បីឈ្មោះជាយូរឆ្នាំមកហើយ។
ជាក់ស្តែងនៅយប់ថ្ងៃទី ២២ ខែ០៥ ឆ្នាំ២០១៩ នៅចំនុចភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ មានឃ្លាំងឈើដ៏ធំមួយដែល គេដឹង ថា ជាឃ្លាំងឈើរបស់លោក ស៊ាម គឹមទឹម (ហៅទឹម) មានតួនាទីជាមន្រ្ដីយោធាវរៈសេនាតូចលេខ២ដែលជាអ្នក មានអំណាច ក្នុងទឹកដីនៃខេត្ត ក្រចេះ ។ ដោយមានខ្នងបង្អែកនៅពីក្រោយខ្នងផង ទើបលោក ទឹម មានឥទ្ធិពលខ្លាំងបំផុត ដោយ អោយកូនចៅយករថយន្តសាំយ៉ុង កែឆ្នៃ យកមកលើកឈើដាក់ទាំងកណ្តាលថ្ងៃ ដោយមិនញញើតនិងផ្លូវច្បាប់ រដ្ឋបាលព្រៃឈើ ឬគណៈកម្មការគ្រប់គ្រង់ព្រៃឈើជាដើម ដែលមាន នាយឧត្តមសេនីយន៏ សៅ សុខា ជាប្រធាន បន្តិចណាសោះឡើយ។
ការដឹកជញ្ជូនឈើរបស់លោក ទឹម គឺដឹកចេញទៅចែកចាយបន្តតាមរយះរថយន្តសាមយ៉ុងកែឆ្នៃរខ្នាតយក្ស ចេញពីក្នុងឃ្លាំងក្នុង មួយយប់ៗ មានប្រហែល៤០ទៅ៥០គ្រឿង ហើយចេញពីចំនុចខាងលើឆ្ពោះទៅខេត្តត្បូងឃ្មុំ។
ឃ្លាំងឈើដ៏ធំនេះត្រូវបានគេដាក់ការសង្ស័យថា គ្មានលិខិតស្នាមឬច្បាប់ទំលាប់នោះទេ ដោយសារតែសមត្ថកិច្ចគ្រប់ជាន់ថ្នាក់ត្រូវបាន លោក ទឹម រៀបចំកញ្ចប់នឹងសែនព្រេនអស់ទៅហើយមើលទៅនោះ ហើយជាពិសេសលោក សាន្ថ ប៊ុនថាន ដែលជាមេបញ្ជាការប៉េអឹមខេត្តក្រចេះ ដែលបានអួតក្ដែងៗថា មិនអោយមានបទល្មើសព្រៃឈើឆ្លងកាត់ទឹកដីរបស់ខ្លួនឡើយ។
ចំណែកលោក ទ្រី សុភក្ត្រ័ ជាប្រធានមន្ទីកសិកម្មខេត្តក្រចេះមិន ដែលមានបទបញ្ជាទៅមន្ត្រីក្រោមឱវ៉ាត បើកប្រតិបត្តការណ៏បង្ក្រាបបទ ល្មើសព្រៃឈើទាំងនេះម្តងណានោះឡើយ ប្រហែលជាលោក ទឹម យកដុល្លារបាំងមុខជិតអស់ហើយមើលទៅនោះ តែបើសែនមិន ត្រូវវិញ ប្រហែលជាបិទជិតឈឹង មិនអោយមានចរាចរណ៏ដឹកជញ្ជូនឈើ ដូចកាលប៉ុន្មានខែមុនអីចឹង តែបើសែនត្រូវហើយទោះបីជា មាន សា រព័ត៌មាន ចុះផ្សាយជាច្រើនអង្គរភាពយ៉ាងណាក៍ដោយក៍អស់លោកសម្ថកិច្ចជំនាញទាំងនោះមិនខ្វល់នោះដែរ សំខាន់បានដុល្លារដាក់ចូល ហោប៉ៅ។
ប្រជាពលរដ្ឋដែររស់នៅក្នុងទឹកដីនៃខេត្តក្រចេះ សូមសំណូមពរ ដល់លោក វ៉ា ថន អភិបាលខេត្តក្រចេះ ថ្នាក់ដឹកនាំធំៗ និងរដ្ឋមន្ត្រី ក្រសួង កសិកម្ម វេង សាខុន មេត្តាជួយពិនិត្យមើលនៅក្នុងខេត្តក្រចេះមួយនេះផង បើមិនដូច្នេះទេ ព្រៃឈើក្នុងខេត្តក្រចេះ នឹងពិតជា រលាយឆាប់ៗ អស់ក្នុងពេលដ៍ខ្លីនេះជាក់ជាមិនខាននោះឡើយ ដោយកន្លងមក សម្តេចតេជោ ហ៊ុន សែន លោកបានខិតខំចេញបទបញ្ជារជាច្រើនលើក មកហើយតែមន្ត្រីទាំងអស់ហាក់បីដូចជាធ្វើមិនដឹង ឬក៏មន្ត្រីទាំងនេះដឹងហើយតែផ្គើននិងអនុសាសន៍ដ៏ថ្លៃថ្លារបស់សម្តេច ៕
ដោយ ៖ វិបុល (ព័ត៌មានបឋម)
