រាជធានីភ្នំពេញ ៖ នាព្រឹកថ្ងែទី២៤ ខែឧសភា ឆ្នាំ២០១៩ នេះ ឯកឧត្តម ឃួង ស្រេង សមាជិកគណៈកម្មាធិការ កណ្តាលគណបក្សប្រជាជន កម្ពុជា អនុប្រធានគណបក្សប្រជាជនកម្ពុជារាជធានី ភ្នំពេញ និងជាប្រធាន ក្រុមការងារពង្រឹងខណ្ឌព្រែកព្នៅ បានបិទយុទ្ធនាការ ឃោសនា បោះឆ្នោតក្រុមប្រឹក្សារាជធានីខណ្ឌអាណត្តិទី៣ ដែលបានធ្វើឡើងនៅទីស្នាក់ការ គណបក្ស ប្រជាជនកម្ពុជាខណ្ឌព្រែកព្នៅ និងបានបន្តដឹក នាំដង្ហែក្បួន ឃោសនារកសំលេងឆ្នោតនៅតាមមូលដ្ឋានខណ្ឌព្រែកព្នៅ។
នាពិធីជួបសំណេះសំណាលសមាជិកបក្សទាំងអស់ ឯកឧត្តម ឃួង ស្រេង បាន មានប្រសាសន៍លើកឡើងថា ក្រោមការដឹកនាំ របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធាន គណបក្ស ប្រជាជនកម្ពុជា តែទទួលបានជ័យ ជម្នះរាល់ការបោះឆ្នោត។ ការដែលទទួលបាននូវភាពជោគជ័យនេះដោយសារតែការដឹកនាំរបស់ សម្ដេចតេជោធ្វើឲ្យប្រទេស ជាតិមានការ អភិវឌ្ឍន៍រីកចំរើនឥតឈប់ឈរចាប់ តាំងពីភូមិរហូតដល់សង្កាត់ ខណ្ឌ។
ឯកឧត្តម ឃួង ស្រេង បានថ្លែងបន្តថាបេក្ខជនក្រុមប្រឹក្សាដែលជាអង្គបោះឆ្នោតត្រូវតែទទួលខុស ត្រូវគ្រប់គ្រងសតិអារម្មណ៍វត្តមាន ថែទាំ សុខភាពពង្រឹងសាមគ្គីភាពឯកភាពផ្ទៃក្នុងឲ្យបានរឹងមាំហ្មត់ចត់ដើម្បីពង្រឹងការចងចាំថែមទៀតអំពីនីតិវិធីបោះឆ្នោតនិងត្រូវគោរពតាមការណែនាំរបស់គណៈកម្មាធិការជាតិរៀបចំការបោះឆ្នោត៕
ដោយ ៖ វិបុល
