សមត្ថកិច្ចប្រឆាំងគ្រឿងញៀន ក៥ នៃមន្ទីរប្រឆាំងគ្រឿង ញៀន ក្រសួងមហាផ្ទៃ បានបើកកិច្ចប្រតិបត្តការណ៏បង្ក្រាបមេជួញ ដូរគ្រឿងញៀនម្នាក់ ជាមួយថ្នាំជាង ៣គីឡូក្រាម នៅខណ្ឌសែនសុខ

រាជធានីភ្នំពេញ ៖ អនុវត្តតាមបញ្ជារបស់នាយឧត្តមសេនីយ៍ ម៉ក់ ជីតូ អគ្គស្នការរងនគរបាលជាតិ និងលោក ឡឹក វណ្ណៈ នាយកមន្ទីរប្រឆាំងគ្រឿងញៀន ក៥ នៃមន្ទីរប្រឆាំងគ្រឿងញៀន បានសហការជាមួយសមត្ថកិច្ចមូលដ្ឋាន ក្រោមកិច្ចសម្របសម្រួលពីលោកព្រះរាជអាជ្ញារង សេង គីមឡាក់ បានធ្វើស្រាវជ្រាវ ហើយឈានទៅដល់ការបង្ក្រាបមេជួញដូរគ្រឿងញៀនយ៉ាងសកម្មម្នាក់ រួមជាមួយវត្ថុតាងគ្រឿងញៀនជាង ៣គីឡូក្រាម ព្រមទាំងសម្ភារៈផេ្សងៗទៀតដែលបំរើដល់ការជួញដូរ។

មន្រ្តីមន្ទីរប្រឆាំងគ្រឿងញៀនបានប្រាប់សារព័ត៌មានក្នុងស្រុក  នៅព្រឹកថ្ងៃទី១៩ ខែឧសភា ឆ្នាំ២០១៩នេះថា កិច្ចប្រតិបត្តិការបង្ក្រាបមេគ្រឿងញៀនខាងលើនេះ បានធ្វើឡើងកាលពីថ្ងៃទី១៧ ខែឧសភា ឆ្នាំ២០១៩ នៅចំណុចតាមផ្លូវលំ ស្ថិតក្នុងភូមិច្រេះ សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។

ក្នុងប្រតិបត្តិការនេះកម្លាំងជំនាញ ឃាត់ខ្លួនជនសង្ស័យម្នាក់ឈ្មោះ ចើយ មុន្នី ព្រមទាំងរឹបអូសបានវត្ថុតាងសារធាតុញៀនមេតំហ្វេតាមីន (ICE) ចំនួន 3009.76g, ម៉ូតូ ១គ្រឿង និងទូរស័ព្ទដៃ ១គ្រឿងផងដែរ៕

ដោយ ៖ វិបុល