លោក តុប កក្តដា ប្រធានមន្ទីរបរិស្ថាន ខេត្តកំពង់ធំ កំពុងសប្បាយចិត្តកើបលុយពីការកាប់បំផ្លាញព្រៃឈើ ផ្គើននិងសេចក្តីណែនាំរបស់រដ្ឋមន្ត្រីវ័យក្មេង សាយ សំអាល់

ខេត្តកំពង់ធំ ៖ ប្រជាសហគមន៍ការពារព្រៃឈើនៅតំបន់ព្រៃឡង់ក្នុងខេត្តកំពង់ធំបា នឲ្យដឹងថា ប្រធានស្នាក់ការបរិស្ថានអូរងាវ លោក ជន ជីន បានឃុបឃិតឲ្យឈ្មួញកាប់ ឈើ យ៉ាងអាណាធិបតេយ្យជាថ្នូរនឹងផល ប្រយោជន៍ តែប្រជាពលរដ្ឋដែលរកស៊ីដឹកជញ្ជូនអនុផលព្រៃឈើ ត្រូវបានលោក ជន ជីន បង្ក្រាបយ៉ាងសាហាវព្រៃផ្សៃ ។

លោក ជន ជីន បានប្រាប់សហគមន៍ ការពា រព្រៃឈើថា ខ្លួនមិនមែនចេះតែអាចប្រមូលសំរាប់ធ្វើមានបានម្នាក់ឯងបាននោះទេ ត្រូវចែករំលែក ផ្តល់សេចក្តីសុខជូន លោក តុប កក្កដា ប្រធានមន្ទីរ បរិស្ថាន ខេត្តកំពង់ធំ នោះដែរដូចពាក្យចាស់ពោលថា «ចង់នៅស្រុកបានទាល់តែហែកសាច់ជួនខ្លា» ។ លោក ជន ជីន បាន បន្ថែមថាសព្វថ្ងៃនេះ ការងារព្រៃ ឈើលំបាកណាស់ ដូច្នេះត្រូវមានខ្នងបង្អែកត្រឹមត្រូវទើប អាចរស់បានស្រួល ។

ប្រភពពីប្រជាពលរដ្ឋបានឲ្យដឹងថាលោក ជន ជីន ដែលជាប្រធានស្នាក់ការបរិស្ថានអូរងាវ បានឃុបឃិត អនុញ្ញាតឲ្យឈ្មួញ ចូលកាប់ ព្រៃឈើយ៉ាងអាណាធិបតេយ្យនៅក្នុងតំបន់ព្រៃឡង់ ហើយដឹកយកទៅលាក់ ទុកនៅក្នុងចម្ការកៅស៊ូរបស់ក្រុមហ៊ុន CRCK ខណៈមានឱកាសល្អ នឹងដឹកចេញ លុះឈើផុតពីដែនសមត្ថកិច្ចបរិស្ថានហើយនោះ វាជា ផលលាភរបស់មន្ត្រីរដ្ឋបាល ព្រៃឈើ វិញម្តង ។

ប្រភពពីប្រជាពលរដ្ឋឲ្យដឹងថា សកម្មភាព កាប់បំផ្លាញព្រៃឈើ នៅចំណុចអូរងាវ កំពុងកើតឡើងយ៉ាងសកម្មប្រជែងគ្នានៃក្រុម អ្នករកស៊ីឈើនៅតំបន់នោះ ដោយឡែក លោក ជន ជីន គិតតែពីដើររាប់ឈ្មួញ ដើ ម្បីយកប្រាក់តែប៉ុណ្ណោះ ដោយមិនអើពឺនិងការបង្ក្រាបដើម្បីរក្សាព្រៃឈើជាធនធានធម្មជាតិដ៏កំរឡើយ ប៉ុន្តែនៅពេលដែល មិនមានការកាប់បំផ្លាញព្រៃឈើ បែរជាលោក ជន ជីន ហាក់ដូចជាភ័យទៅវិញទំនងជាភ័យ ខ្លាចគ្មានលុយបង់ជូនលោកប្រធានមន្ទីរ តុប កក្តដា ជាថ្នូរបានឈរជើងក្នុងតំបន់អូរងាវ។

មតិសារធារណៈស្នើសុំដល់អាជ្ញាធរខេត្ត កំពង់ធំ របស់លោកអភិបាល សុខ លូ ក៏ដូច ជាឯកឧត្តមរដ្ឋមន្ត្រីក្រសួងបរិស្ថាន សាយ សំអាល់ មេត្តាកុំជឿតែទៅលើរបាយការ ណ៍ភូតកុហក់ របស់លោក តុប កក្កដា តែប៉ុណ្ណោះដោយកន្ទេលធំប្រឡំដេករបស់លោកប្រធានមន្ទីររូបនេះ ។

សកម្មជនព្រៃឈើប្រចាំខេត្តកំពង់ធំបានបន្តអោយដឹងថា សកម្មភាពកាប់បំផ្លាញព្រៃឈើ នៅខេត្តកំពង់ធំ មិនមែនមាននៅតែក្នុងតំបន់អូរងាវ ប៉ុណ្ណោះទេ ប៉ុន្តែកំពុងរាលដាលដល់តំបន់អភិរក្សផ្សេងទៀតដែលជាដែនសមត្ថកិច្ចរបស់បរិស្ថានផ្សេងៗទៀត ក៏កំពុងកើតមានយ៉ាងសកម្មនៅការទន្រ្ទានដីព្រៃនិងកាបឈើយ៉ាងអនាធិបតេយ្យ។

ប្រភពពីមន្ត្រីបំរើការងារក្នុងមន្ទីរបរិស្ថានខេត្តកំពង់ធំបានបង្អើបប្រាប់អង្គភាពគេហទំព័រ www.rskynews.com ថា លោក តុប កក្តដា ប្រធានមន្ទីរមានជំនាញគ្រប់គ្រាន់ក្នុងការគ្រប់គ្រងប្រើប្រាស់មន្ត្រីខាងក្រោមអោយបំផ្លាញធនធាននៅលើដីបានយ៉ាងសកម្មនិងល្អបំផុត ហើយសូម្បីតែ នៅបឹងទន្លេសាប ក៏លោកមានជំនាញផងដែរ ដើម្បីបំផ្លាញ ធ្វើជាប្រយោជន៏មានបាន សំរាប់ក្រុមគ្រួសាររបស់លោក។

រាល់ការចោទប្រកាន់ខាងលើនេះអង្គភាព គេហទំព័រ www.rskynews.com មិនអាចសុំការអត្ថាធិប្បាយពន្យល់ពីលោក តុប កក្តដា បានឡើយ នាព្រឹកថ្ងៃទី១៦ ខែឧសភា ឆ្នាំ២០១៩ នេះ៕

ដោយ ៖ វិបុល