ខេត្តឧត្ដរមានជ័យ ៖ ប្រភពបែកធ្លាយពីខេត្តឧត្តរមានជ័យនៅថ្ងៃ ១៤ ខែឧសភាឆ្នាំ ២០១៩ មកថា លោក ជំ សំនិត ប្រធានសាខាពន្ធដាខេត្តឧត្ដរ មានជ័យ ប្រើប្រាស់រថយន្ដអង្គភាព ដើម្បីធ្វើ អាជីវកម្មដឹកទំនិញគេចពន្ធពីច្រកទ្វារអន្តរជាតិអូស្មាច់ ខេត្ត ឧត្ដរមានជ័យ យកទៅលក់នៅទីក្រុងភ្នំពេញ ជារៀងរាល់សប្តាហ៏។
ប្រភពបានបង្ហើបអោយដឹងថា លោក ជុំ សំនិត ប្រធានសាខាពន្ធដារ ខេត្តឧត្ដរមានជ័យ តែងតែយករថយន្ដអង្គភាព ដឹកទំនិញគេចពន្ធ ភាគច្រើនគឺប្រភេទស្រាដបនិងស្រាបៀររបស់ថៃ ចេញតាមច្រកទ្វារអូស្មាច់ទៅលក់នៅទីក្រុងភ្នំពេញ ជារាងរាល់ថ្ងៃសៅរ៍និងថ្ងៃអាទិត្យ និងគ្រឿងសង្ហារឹមផ្សេងៗទៀតផង។
ប្រភពពីបុគ្គលិកក្នងសាខាពន្ធដារបានអោយអង្គភាពគេហទំព័ត៌ rskynews.com ដឹងថាលោក ជុំ សំនិត ប្រើប្រាស់រថយន្ដអង្គភាពដូចជារបស់ខ្លួនរបស់លោកអញ្ចឹង ពោលគឺរថយន្ដរបស់អង្គភាពមិនអោយមន្រ្ដីណាម្នាក់ប៉ះពាលដើម្បីប្រើប្រាស់ជាប្រយោជន៏ជាតិឡើយ ដោយលោកប្រើ ប្រាស់តែម្នាក់ឯងដូចជាកម្មសិទ្ធផ្ទាល់ខ្លួនទៅហើយ។
ប្រភពបន្ថែមថា លោក ជុំ សំនិត បានរកស៊ីដឹកទំនិញគេចពន្ធពីប្រទេសថៃច្រើនឆ្នាំមកហើយ ដោយមធ្យោបាយដឹកជញ្ជូន ជារថយន្ដរបស់អង្គភាពសាខាពន្ធដារដោយផ្ទាល់ និងប្រើអំណាចរបស់លោកផងទើបការប្រកបរបរទំនិញគេចពន្ធបានកាក់កបរហូតមក។
រាល់ការចោទប្រកាន់ខាងលើនេះ អង្គភាព rskynews.com មិនអាចសុំការបំភ្លឺពីលោក ជុំ សំនិត បានទេ តែអង្គភាពយើងខ្ញុំនិងបន្តខិតខំស្វែងរកការបំភ្លឺបន្តទៀតដើម្បីលាតត្រដាងការពិត៕
ដោយ ៖ វិបុល
