ខេត្តបន្ទាយមានជ័យ ៖ លោក នូ ស៊ីថា បានរងការចោទប្រកាន់ពីមន្ត្រីថ្នាក់ក្រោម និងក្រុមអាជីវករដែលធ្វើចរាចរណ៏ទំនិញឆ្លងដែនពីប្រទេសថៃចូលខេត្តបន្ទាយមានជ័យបានអោយដឹងថា ចាប់តាំងពីលោក នូ ស៊ីថា បានមកកាន់តួនាទីជាប្រធានសាខាគយប្រចាំខេត្តបន្ទាយ មានជ័យភ្លាម លោកបានយកតួនាទីរបស់ខ្លួនទៅប្រើប្រាស់ដើម្បីទាញយកផលប្រយោជន៍ធ្វើមានធ្វើបានប្រព្រឹត្តអំពើពុករលួយយ៉ាងពេញទំហឹងមិនគិតពីប្រយោជន៏សង្គមជាតិ។
ដោយមុនបានមកកាន់តំណែងជាប្រធានសាខាគយខេត្ត បន្ទាយមានជ័យ លោក នូ ស៊ីថា ជាប្រធានសាខាគយខេត្តត្បូងឃ្មុំ ជាខេត្តជាប់ព្រំដែនវៀតណាម ដោយច្រកមានតិច និងចំណីលធ្លាក់ចុះ ហើយលោកមានមហ្ឆិចតាខ្ពស់ព្រមទាំងមានឧកាសហុចអោយ គិតពីផល ប្រយោជន៍ផ្ទាល់ខ្លួនដោយមិនខ្មាសអៀន ដោយធ្វើយ៉ាងណាដើម្បីឆាប់ក្លាយជាអ្នកមានទ្រព្យសម្បត្តិស្តុកស្តម្ភ ដើរចាយហ៊ឺហា សប្បាយស្រីស្រា ទើបបណ្តាអោយលោក នូ ស៊ីថា បានប្រឹងប្រែងជ្រែរត់មករកកន្លែងខ្លាញ់តែម្តងដោយពឹងពាក់អ្នកធំនៅទីចាត់ការគយជួយរៀបចំកន្លែងអោយដោយប្រើលុយខ្ទង់ម៊ឺនដុល្លារទើបបានខេត្តដែលជាប់ព្រំដែនពោរពេញដោយទំនិញគេចពន្ធគ្រប់ប្រភេទដែលជាសេដ្ឋកិច្ច និងហិរញ្ញវត្ថុសំរាប់សេចក្តីលោភលន់របស់លោក នូ ស៊ីថា និងក្រុមគ្រួសារ។
តាមការសង្កេតពីបុគ្គលិកលក្ខណៈសម្បត្តិរបស់លោក នូ ស៊ីថា គឺមានសមត្ថភាពជំនាញក្នុងការប្រព្រឹត្តអំពើពុករលួយគ្រប់រូបភាពឃុបឃិតជាមួយ ឈ្មួញរកស៊ីទំនិញគេចពន្ធនឹងបង់ពន្ធមិនគ្រប់ ទំនិញគ្រប់ប្រភេទត្រូវធ្លាក់ក្នុង កណ្តាប់ដៃលោក នូ ស៊ីថា ទាំងស្រុង ។
មកដល់ដល់ពេលនេះ លោក នូ ស៊ីថា ពិតជាបានសម្រេចដូចក្តីប៉ងប្រាថ្នារបស់គាត់មែន។ បានសេចក្តីថាមហិច្ឆតាល្មោភបុណ្យស័ក្តិអំណាច របស់លោកគឺពិតជា គ្មានព្រំដែន ហើយហ៊ានចំណាយលុយរាប់ម៉ឺនដុល្លារទិញតំណែងមេគយខេត្តបន្ទាយមានជ័យធ្វើឲ្យផ្អើលល្បីល្បាញទូទាំងប្រទេសគ្មាននរណាមួយអាចមានសមត្ថភាពធ្វើបានដូចជារូបគាត់បានឡើយ ។
ក្រុមអាជីវករបានឲ្យដឹងថាគ្រប់អាជីវករ ទាំងតូចទាំងធំអ្នករកស៊ីទាំងស្របច្បាប់ មិនស្របច្បាប់គ្មាននរណាមួយបានរួចខ្លួនដផយ មិនបានបង់ លុយក្រៅផ្លូវការទៅឱ្យ លោក នូ ស៊ីថា ឡើយ។
ដោយឡែកភារកិច្ចដែលត្រូវរកចំណូលជូនរដ្ឋ វិញលោក នូ ស៊ីថា មិនដែលឈឺក្បាលវិលមុខគិតគូររកផលប្រយោជន៍ជូន ជាតិឡើយធ្វើយ៉ាងណាឱ្យតែខ្លួនឆាប់បានក្លាយជាអ្នកមានទ្រព្យសម្បត្តិ ចាយលុយហ៊ឺ ហារ ក្រោមគំនរទឹកភ្នែករបស់ប្រជាពលរដ្ឋក្រីក្រស្លូតត្រង់រកតែអាហារចំអែត ក្រពះរស់មួយថ្ងៃសឹងតែ មិនបានផង។
ប្រជាពលរដ្ឋបានរិះគន់មន្ត្រីគយ នូ ស៊ីថា ជំនាញខាងប្រព្រឹត្តអំពើពុករលួយរូបនេះថា ពេលដែលគាត់មកផ្ទះនៅជិតស្ថានីយ៍ទូរទស្សន៍អាស៊ីអាគ្នេយ៍ក្នុងក្រុងភ្នំពេញម្តងៗគេសង្កេតឃើញ ជនហ៊ឺហាររូបនេះយកលុយទាំងគីបៗក្នុងវ៉ាលីដើរស៊ីចាយសប្បាយក្អាកក្អាយ តាមភោជនីយ៍ដ្ឋានផ្សេងៗ ដោយមានស្រីក្មេងៗអង្គុយកំដរឆ្វេងស្តាំ ដោយ មិនបានយកឧត្តមគតិទៅជួយបំរើដល់ប្រជាពលរដ្ឋក្រីក្រតាមមូលដ្ឋានដែលរាជរដ្ឋាភិបាលកំពុងតែយកចិត្តទុកដាក់នោះឡើយ ។
ពាក់ព័ន្ធព័ត៌មានខាងលើនេះគួរតែក្រសួងសេដ្ឋ កិច្ច និងហិរញ្ញវត្ថុ ព្រមទាំងទីចាត់ការគយ និងរដ្ឋាករមានវិធានការណ៍សើរើការប្រកាសតែងតាំងប្រធានសាខាគយខេត្តបន្ទាយមានជ័យឡើងវិញដោយពិនិត្យជ្រើសរើសមន្ត្រីដែលមានសមត្ថភាពលក្ខណៈសម្បត្តិត្រឹមត្រូវពិតប្រាកដឱ្យទៅកាន់កន្លែងកៅអីលោក នូ ស៊ីថា វិញម្តងព្រោះបើនៅតែទុកតំណែងឲ្យមន្ត្រីពុករលួយរូបនេះទៀតជាតិនឹងបាត់បងចំណូលពន្ធជាច្រើនលានដុល្លារក្នុងមួយឆ្នាំៗជាក់ជាមិនខាន ។
រាល់ព័ត៌នៃការចោទប្រកាន់លើកលោក នូ ស៊ីថា ខាងលើនេះអង្គភាពគេហទំព័រ www.rskynews.com (រស្មីក្រុងយើង) ពុំអាចសុំការបំភ្លឺពីលោក នូ ស៊ីថា បានឡើយដោយទូរស័ព្ទចូលពុំមានអ្នកលើ តែយ៉ាងណាអង្គភាពយើងព្យាយាមគ្រប់មធ្យោបាយទៀតដើម្បីទំនាក់ទំនងទៅលោក នូ ស៊ីថា នៅពេលក្រោយទៀត៕
ដោយ ៖ វិបុល
