ខេត្តព្រះសីហនុ ៖ ព្រឹកថ្ងៃសៅរ៍ ១កើត ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៤ ខែឧសភា ឆ្នាំ២០១៩ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានអញ្ជើញចុះសួរសុខទុក្ខប្រជាពលរដ្ឋ និងពិនិត្យមើលដំណើរការសាងសង់ទំនប់បង្ហៀរទឹក ស្ថិត នៅភូមិអន្លង់ក្រពើ ឃុំតានៃ ស្រុកព្រៃនប់ ខេត្តព្រះសីហនុ ។
ឯកឧត្តម យន្ត មីន មានប្រសាសន៍ថានេះជាការចុះសាកសួរសុខទុក្ខប្រជាពល រដ្ឋនៅភូមិអន្លង់ក្រពើ ឃុំតានៃ ស្រុកព្រៃ នប់ ជាតំបន់ដាច់ស្រយាល និងជាភូមិ សាស្ត្រតំបន់
សង្គ្រាមជាប់ជើងភ្នំកំចាយ ។ ក្រោយពីបានធ្វើសមាហរណកម្ម និងអនុវត្តនូវគោលនយោបាយឈ្នះឈ្នះរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រែក្លាយតំបន់សង្គ្រាមមួយនេះ
ជាភូមិឋានរបស់ប្រជាពលរដ្ឋប្រកបដោយសុខសន្តិភាព ក្រោមការដឹកនាំគ្រប់គ្រងរបស់រាជរដ្ឋាភិបាលកម្ពុជា ធ្វើឲ្យតំបន់មួយនេះមានហេដ្ឋារចនាសម្ព័ន្ធផ្លូវថ្នល់ ភ្លើងអគ្គិសនីប្រើប្រាស់ ។
ឯកឧត្តមបន្តថា ទំនប់បង្ហៀរទឹកនេះ អាចជួយសម្រួលដល់ការខ្វះខាតទឹករបស់បងប្អូនប្រជាពលរដ្ឋនៅរដូវប្រាំង ដល់មនុស្ស និងសត្វ ទំនប់នេះ បានផ្ដល់ផលប្រយោជន៍ចំនួន ២យ៉ាង គឺទី១ បានទឹកប្រើប្រាស់មិនថារដូវប្រាំង ឬវស្សា ទី២ បានផ្លូវធ្វើដំណើរឆ្លងកាត់កាន់តែមានភាពងាយស្រួល ។ អាងបង្ហៀរទឹកភូមិអន្លង់ក្រពើ អាចផ្ទុកទឹកបានរាប់សែនម៉ែត្រ គូប សាងសង់ចំណាយថវិកាប្រមាណជា ១ម៊ឺនដុល្លាអាមេរិក ព្រមទាំងបានអំពាវ នាវបងប្អូនប្រជាពលរដ្ឋនៅតំបន់នេះ ចូល រួមថែរក្សាសមិទ្ធិផលដែលយើងមាន និងកំពុងកើតមាននៅក្នុងតំបន់ដាច់ស្រយាល។ ដូច្នោះត្រូវសាមគ្គីគ្នាជាធ្លុងមួយជាមួយប្រមុខរាជរដ្ឋាភិបាល ដែលមានអាជ្ញាធរភូមិ ឃុំ ស្រុក ខេត្ត ដែលជាតំណាង ឲរាជរដ្ឋាភិបាល និងផ្ដល់ផលប្រយោជន៍
ជូនដល់ប្រជាពលរដ្ឋ ជាអ្នកប្រើប្រាស់ ស្របតាមគោលនយោបាយការកាត់ បន្ថយភាពក្រីក្ររបស់ប្រជាពលរដ្ឋ ។
ក្នុងឱកាសនោះឯកឧត្តម យន្ត មីន និងលោកជំទាវក៍បាននាំយកបច្ច័យចំនួន ៣.៧៩០ដុល្លាអាមេរិក និងថវិកា ៥០៥០០រៀល ប្រគេនព្រះសង្ឃ ដើម្បី សងថ្លៃឈ្នួលជាងសាងសង់រោងទទួល ភ្ញៀវក្នុង វត្តសុវណ្ណគិរីវ័ន ស្ថិតក្នុងឃុំតានៃ ស្រុកព្រៃនប់ផងដែរ ៕
ដោយ ៖ វិបុល
