ខេត្តមណ្ឌលគិរី៖ យោងតាមសេចក្តីរាយការណ៍ពីប្រជាពលរដ្ឋដែលរស់នៅក្នុងស្រុកពេជ្រាដា បានអោយអង្គភាពគេហទំព័រព័ត៌មាន www.rskynews.com ដឹងថាលោក សារឿន ម៉ាប់ មិនហ៊ាននាំឈើចេញទៅប្រទេសវៀតណាមតាមច្រកទ្វេភាគីណាំលៀហៅប៉ុស៌្ត៧ឡើយតែបានប្រើប្រាស់លោក អន ជានាយករដ្ឋបាលសាលាស្រុកពេជ្រាដា ចេញមុននាំឈើយកទៅលក់នៅស្រុកយួន ដោយធ្វើការសម្របសម្រួលសហការណ៏គ្រប់សមត្ថកិច្ចមូលដ្ឋាន។
សេចក្តីរាយការណ៍ដដែលបានបន្តថាលោកនាយករដ្ឋបាលសាលាស្រុកពេជ្រាដាលោក អន កំពុងតែដើរសម្របសម្រួលទំនាក់ទំនងអោយមានការបើកភ្លើងខៀវជំនួញនាំចេញឈើដែលគ្មានការបង្រ្កាបនៅតាមសិប្បកម្មមួយចំនួនឬក៏តាមផ្ទះមួយចំនួនដែលខ្លួនបានត្រៀមទុករួចស្រាច។
ការសម្រុះសម្រួលគ្នានេះបានត្រូវគ្នារួចជាស្រេចបន្ទាប់ចរចាតម្លៃថ្លៃថ្នូរបើសិនគ្មានការរំខានពីស្ថាប័នអ្វីមួយនិងមានការនាំចេញចំនួនឈើទៅតាមប៉ុស្ត៍៧មួយយប់នេះតែម្តង។
ទោះជាយ៉ាងណាគេហទំព័រ www.rskynews.com មិនអាចសុំការបំភ្លឺពីលោក អន ជានាយករដ្ឋបាលសាលាស្រុកពេជ្រាដា នៅរសៀលថ្ងៃទី៧ ខែមេសានេះបានឡើយដោយគ្មានលេខទូរស័ព្ទ៕
ដោយ៖ សំណាង
