មន្រ្តីសាខាកាំកុងត្រូលខេត្តព្រះសីហនុ បន្តចុះត្រួតពិនិត្យទំនិញ ម្ហូបអាហារ នៅផ្សារឧតុនិយម និងផ្សារក្តាម ស្ថិតនៅក្នុងក្រុងព្រះសីហនុ ខេត្តព្រះសីហនុ

ខេត្តព្រះសីហនុ៖ នៅថ្ងៃសៅរ៍ ២កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៦ ខែមេសា ឆ្នាំ២០១៩ មន្ត្រីសាខាកាំកុងត្រូលខេត្តព្រះសីហនុ ដោយមានការចូលរួមពីមន្រ្តីមន្ទីរពាណិជ្ជកម្មខេត្ត និងគណៈកម្មការផ្សារ បានចុះត្រួតពិនិត្យ ម្ហូបនៅផ្សារឧតុនិយម និងផ្សារក្តាម ស្ថិតនៅក្នុងក្រុងព្រះសីហនុ ខេត្តព្រះសីហនុ។

ក្នុងសកម្មភាពត្រួតពិនិត្យនោះ មន្ត្រីជំនាញបានធ្វើតេស្តបឋមទៅលើ៖ មឹក បង្គា បន្លែហាន់ស្រាប់(ទំពាំង និងចេកខ្ចី) ទឹកខ្មេះ និងតៅហ៊ូ ដើម្បីរកសារធាតុគីមីហាមឃាត់ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ ។ ជាមួយគ្នានោះ មន្ត្រីជំនាញបានធ្វើការត្រួតពិនិត្យរកភាពមិនអនុលោមនៅលើសំបកវេចខ្ចប់ផលិតផលម្ហូបអាហារផងដែរ ។

ជាលទ្ធផលមន្ត្រីជំនាញរកពុំឃើញសារធាតុគីមីនៅក្នុងម្ហូបអាហារខាងលើឡើយ។ ទន្ទឹមនេះដែរ មន្ត្រីសាខាកាំកុងត្រូល បានពន្យល់ណែនាំ ផ្សព្វផ្សាយ អប់រំ អំពី សុវត្ថិភាពចំណីអាហារ និងអនុវត្តទៅតាមច្បាប់ ស្តីពី ការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ៕

ប្រភព Facebook កាំកុងត្រូល