ខេត្តកំពត (ស្រុកឈូក) ៖ នៅថ្ងៃអាទិត្យ៥កើត ខែមាឃ ឆ្នាំរកា ព.ស២៥៦១ត្រូវនិងថ្ងៃទី២១ ខែមករា ឆ្នាំ ២០១៨ វេលាម៉ោង៣.០០នាទី កំលាំងជំនាញព្រហ្មទណ្ឌកម្រិតស្រាលរបស់ស្នងការនគរបាលខេត្តកំពត សហការជាមួយកំលាំងជំនាញរបស់អធិការដ្ឋានស្រុកឈូក បានចុះបង្ក្រាបទីតាំងបនល្បែនជល់មាន់ដុះស្លែមួយមានទីតាំងស្ថិតនៅភូមិកោះស្លា ឃុំត្រពាំងភ្លាំង ស្រុកឈូក ខេត្តកំពត។
សមត្ថកិច្ចបានអោយគេហទំព័រ រស្មីក្រុងយើង www.rskynews.com ដឹងថាប្រតិបត្តការណ៏បង្រ្កាបល្បែងជល់មាន់នេះសមត្ថកិច្ចឃាត់អ្នកញៀននិងល្បែងនេះដែលរត់មិនរួចបានចំនួនតែ៣នាក់ (ប្រុស) ទី១.ឈ្មោះ កែន អាន ភេទប្រុស អាយុ៥៧ឆ្នាំ មានទីលំនៅភូមិស្រកានាគ ឃុំតាកែន ស្រុកឈូក ខេត្តកំពត ទី២.ឈ្មោះ កឹម អ៊ីម ភេទប្រុស អាយុ៥៧ឆ្នាំ មានទីលំនៅភូមិស្រែលាវ ឃុំត្រពាំងភ្លាំង ស្រុកឈូក ខេត្តកំពត និងទី៣.ឈ្មោះ ឆឹង ខែ្នន អាយុ ៥០ឆ្នាំ មានទីលំនៅភូមិត្រពាំងរុន ឃុំតាកែន ស្រុកឈូក ខេត្តកំពត រួមទាំងដកហូតបានមាន់ជល់ចំនួន៤ក្បាល់ និងម៉ូតូចំនួន១៥គ្រឿង។
ជនញៀននិងល្បែងបញ្ជល់មាន់នេះរួមទាំងវត្ថុតាងសមត្ថកិច្ចជំនាញបានកសាងសំណុំរឿងតាមនិតិវិធីដើម្បីបញ្ជូនទៅកាន់តុលាការចាត់ការតាមផ្លូវច្បាប់៕
ដោយ៖ វិចិត្រ
