ខេត្តមណ្ឌលគីរី ៖ នៅព្រឹកថ្ងៃអាទិត្យ ១១រោច ខែផល្គុន ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី៣១ ខែមីនា ឆ្នាំ២០១៩ ឯកឧត្ដម ស្វាយ សំអ៊ាង អភិបាលនៃគណៈអភិបាលខេត្តនិងលោកជំទាវ ព្រមទាំងលោកឧត្តមសេនីយ៍ទោ ឡោ សុខា ស្នងការនគរបាលខេត្ត និងមន្ត្រីក្រោមឱវាទ បានអញ្ជើញជាអធិបតីភាពក្នុងពិធីសម្ពោធដាក់អោយប្រើប្រាស់ជាផ្លូវការនូវសាលាឆាន់ថ្មីមួុយខ្នង ទំហំ ១២x២៤ម នៅវត្តមណ្ឌលជលសារមហាសែនជ័យ ស្ថិតនៅក្នុងឃុំណងឃីលិក ស្រុកកោះញែក ខេត្តមណ្ឌលគិរី ដែលបានស្ថាបនារួចរាល់ជាស្ថាពរ ។
ឯកឧត្តមស្វាយ សំអ៊ាង បានបន្តទៀតថា វត្តអារាមមិនគ្រាន់តែជាទីគោរពសក្ការៈបូជាតែបុណ្ណោះទេ គឺជាប្រភពបណ្តុះបណ្តាលនូវបញ្ញាញ្ញាណនិងជាថ្នាលបណ្តុះធនធានមនុស្សគ្រប់សម័យកាលអោយចេះដឹងទាំងផ្លូវលោកទាំងផ្លូវធម៌ទាំងគ្រប់វិស័យព្រះពុទ្ធសាសនាស្របនឹងស្ថានភាពសង្គមជាតិយើងកំពុងតែរីកចម្រើនជាបន្តបន្ទាប់ ។នាពេលបច្ចុបប្បន្ននេះ ប្រមុខរាជរដ្ឋាភិបាលកម្ពុជាបានលើកតម្កេីងនិងទ្រទ្រង់ព្រះពុទ្ធសាសនាស្របនិងស្ថានភាពសង្គមជាតិកំពុងតែរីកចម្រើនលើគ្រប់វិស័យសាកសមជាទីកន្លែងគោរពបូជានៃពុទ្ធបរិស័ទ។
បន្ទាប់មកឯកឧត្តម ស្វាយ សំអ៊ាង ព្រមទាំងលោកឧត្តមសេនីយ៍ទោ ឡោ សុខា និងមន្ត្រីក្រោមឱវាទអញ្ជើញកាត់ខ្សែបូរនិងបានប្រគេនបច្ច័យចំនួន ២៣លានរៀល ប្រគេនជូនពីរវត្ត វត្តជីមៀតចំនួន២០លានរៀល និងវត្តស្រែជ្រៃចំនួន ៣លានរៀល និងវេរប្រគេនដល់ព្រះសង្ឃចំនួន៣៦អង្គ ក្នុងមួុយអង្គៗ បច្ច័យចំនួន ៥ម៉ឺនរៀល,ទឹកសុទ្ធមួយកេះ, ទឹកក្រូចមួយកេះ ព្រមទាំងបានឧបត្ថម្ភដល់តាជីយាយជីចំនួន៣០នាក់ ក្នុងម្នាក់ៗទទួលបាន ក្រណាត់ស មួយដុំនិងថវិកាចំនួន ១ម៉ឺនរៀល និងសិស្សានុសិស្សចំនួន ២០០នាក់ ម្នាក់ៗទទួលបានសៀវភៅនិងខ្មៅដៃផងដែរ៕
ដោយ៖ វិបុល
