ខេត្តកំពត (ស្រុកឈូក) ៖ កំលាំងជំនាញបង្ក្រាបគ្រឿងញៀនរបស់ស្នងការនគរបាលខេត្តកំពត បានសហការជាមួយកំលាំងអធិការនគរបាលស្រុកឈូក បានចុះបង្ក្រាបករណីជួញដូរ និងប្រើប្រាស់គ្រឿងញៀន នៅវេលាម៉ោង៣.៣០នាទីរសៀលថ្ងៃទី២២ ខែមករា ឆ្នាំ២០១៨ ស្ថិតនៅភូមិតាមុំ ឃុំបានៀវ ស្រុកឈូក ខេត្តកំពត។
សមត្ថកិច្ចបានអោយដឹងថា ប្រតិបត្តការបង្ក្រាបគ្រឿងញៀនសមត្ថកិច្ចឃាត់ខ្លួនជនសង្ស័យម្នាក់ឈ្មោះ គាន់ ប៊ុនឡាយ ភេទប្រុស អាយុ១៨ឆ្នាំ រស់នៅភូមិតាមុំ ឃុំបានៀវ ស្រុកឈូក ខេត្តកំពត រួមទាំងដកហូតថ្នាំញៀនចំនួន៥កញ្ចប់តូច ។
ជនសង្ស័យរួមទាំងវត្ថុតាងត្រូវបានសមត្ថកិច្ចជំនាញនៃស្នងការនគរបាលខេត្តកំពតកំពុងរៀបចំកសាងសំណុំរឿងដើម្បីបញ្ចូនទៅកាន់តុលាការអនុវត្តទៅតាមនិតិវិធីច្បាប់៕
ដោយ ៖ វិចិត្រ
