ខេត្តកំពង់ចាម៖ ករណីកូនប្រុសលោក សាន្ត ប៊ុនថាន មេបញ្ជាការកងរាជ អាវុធហត្ថខេត្តក្រចេះ ឈ្មោះ សាន្ត សុខុម អាយុ៣០ឆ្នាំ ពាក់សក្តិ៤ ជានាយអាវុធហត្ថដែលបានប្រើអំពើហិង្សាវាយ និងគំរាមបាញ់ សម្លាប់គូរជម្លោះកាលពីថ្ងៃទី១៨ មីនា ២០១៩ ស្ថិតនៅកន្លែងហ្គេមសុីសង១កន្លែងមានស្លាកយឺហោ ៥០៧ ដែលមានទីតាំងស្ថិតនេៅភូមិលេខ៣ សង្កាត់វាលវង់ ក្រុងកំពង់ចាម ខេត្តកំពង់ចាម (ដោយជនរងគ្រោះបានដាក់ពាក្យបណ្តឹងចូលទៅលោកស្នងការនគរបាលខេត្តកំពង់ចាម ចុះថ្ងៃទី២៣ ខែមីនា ឆ្នាំ២០១៩)។
នាព្រឹកថ្ងៃទី ២៤ ខែមីនា ឆ្នាំ២០១៩ ជនរងគ្រោះទាំងពីរនាក់៖
១. ឈ្មោះ វ៉ាន់ ចាន់អទិច្ចបញ្ញា ភេទប្រុស អាយុ ២៥ឆ្នាំ មានទីលំនៅភូមិលេខ១ សង្កាត់វាលវង់ ក្រុងកំពង់ចាម ខេត្តកំពង់ចាម ។ និង
២. ឈ្មោះ យ៉េ ចិន្តា ភេទប្រុស អាយុ ២៨ឆ្នាំ មានទីលំនៅភូមិលេខ៦ សង្កាត់វាលវង់ ក្រុងកំពង់ចាម ខេត្តកំពង់ចាម
ត្រូវបានចូលបំភ្លឺពាក់ព័ន្ធនិងការប្រើប្រាស់ហឹង្យាពីលោក សាន្ត សុខុម នាស្នងការនគរបាលខេត្តកំពង់ចាម។
មតិមហាជនទូទៅរងចាំមើលតើចំណាត់ការរបស់សមត្ថកិច្ចខេត្តកំពង់ចាម តើមានអនុភាពដើម្បីចាត់ការលើ សាន្ត សុខុម ជាមន្ត្រីអាវុធហត្ថ ដែលត្រូវជាកូន លោក សាន្ត ប៊ុនថា មេបញ្ជាការកងរាជ អាវុធហត្ថខេត្តក្រចេះ ដែលជាជនល្មើស ប្រើប្រាស់ហឹង្សាលើជនស្លូតត្រង់យ៉ាងដូចម្តេចដែរ?
ដោយឡែកអង្គភាពគេហទំព័ររស្មីក្រុងយើង www.rskynews.com មិនអាចសំុការបំភ្លឺពីលោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសស្តីអំពីមន្ត្រីអាវុធហត្ថ ប្រើហឹង្សាលើជនធម្មតាបានទេនាព្រឹកថ្ងៃអាទិត្យ ទី ២៤ ខែ មីនា ឆ្នាំ ២០១៩ នេះ ដោយគ្មានលេខទូរស័ព្ទ។
ដោយ ៖ សុភា
