រាជធានីភ្នំពេញ៖ នាព្រឹកថ្ងៃព្រហស្បតិ៍ ទី២៥ ខែធ្នូ ឆ្នាំ២០២៥ នៅទីស្ដីការក្រសួងពាណិជ្ជកម្ម ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម តំណាងដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំប្រចាំខែរបស់ក្រសួងពាណិជ្ជកម្ម ដែលមានវត្តមានចូលរួមពី ឯកឧត្តម លោកជំទាវរដ្ឋលេខាធិការ ឯកឧត្តម លោកជំទាវអនុរដ្ឋលេខាធិការ ឯកឧត្តមអគ្គនាយក លោកជំទាវអគ្គាធិការ លោក-លោកស្រីអគ្គនាយករង លោក-លោកស្រីអគ្គាធិការរង លោកប្រធាននាយកដ្ឋាន-វិទ្យាស្ថាន លោក-លោកស្រីអនុប្រធាននាយកដ្ឋាន-វិទ្យាស្ថាន លោក-លោកស្រីប្រធាន និងអនុប្រធានមន្ទីរ និងសាខា ក.ប.ប. រាជធានី-ខេត្តទាំងអស់ចំណុះឱ្យក្រសួងពាណិជ្ជកម្មផងដែរ។
កិច្ចប្រជុំប្រចាំខែនេះ ជាកិច្ចប្រជុំកិច្ចប្រជុំលើកទី៤៨ ប្រចាំឆ្នាំ២០២៥ ដែលត្រូវបានរៀបចំឡើងដោយផ្ទាល់ និងតាមប្រព័ន្ធអនឡាញ ក្រោមរបៀបវារៈរួមមាន៖
១. របាយការណ៍ស្ដីពីលទ្ធផលនៃចូលរួមកិច្ចប្រជុំគណៈកម្មាធិការចម្រុះ លើកទី២១ រវាងកម្ពុជា-វៀតណាម រាយការណ៍
២. របាយការណ៍ស្ដីពីលទ្ធផលនៃរៀបចំពិព័រណ៍ពាណិជ្ជកម្មកម្ពុជា លើកទី១៨ ឆ្នាំ២០២៥ និងបេសកកម្ម «ជំរុញទីផ្សារ និងការផ្សារភ្ជាប់ទំនាក់ទំនងជាមួយបណ្តាញអ្នកទិញសក្តានុពល» កាលពីថ្ងៃទី៩-១៣ ខែធ្នូ ឆ្នាំ២០២៥ នៅទីក្រុងឡុងដ៍ ចក្រភពអង់គ្លេស
៣. របាយការណ៍ស្តីពីវឌ្ឍនភាពការងាររបស់អគ្គនាយកដ្ឋាន ក.ប.ប.
៤. របាយការណ៍ស្តីពីវឌ្ឍនភាពការងាររបស់អគ្គនាយកដ្ឋានជំរុញពាណិជ្ជកម្ម
៥. របាយការណ៍ស្តីពីវឌ្ឍនភាពការងាររបស់អគ្គនាយកដ្ឋានពាណិជ្ជកម្មក្នុងប្រទេស
៦. របាយការណ៍ស្តីពីវឌ្ឍនភាពការងាររបស់អនុព័ន្ធពាណិជ្ជកម្មកម្ពុជា ប្រចាំទីក្រុងសៀងហៃ នៃសាធារណរដ្ឋប្រជាមានិតចិន
៧. របាយការណ៍ស្តីពីវឌ្ឍនភាពការងាររបស់មន្ទីរពាណិជ្ជកម្មរាជធានីភ្នំពេញ
៨. មតិចូលរួមផ្សេងៗ។
សូមរំលឹកថា ក្រសួងពាណិជ្ជតែងតែរៀបចំកិច្ចប្រជុំប្រចាំសប្តាហ៍នេះ ជាប់ជាប្រចាំ ដោយមិនដែលអាក់ខាន ក្នុងគោលបំណងដើម្បីពិនិត្យតាមដាននូវរាល់ផែនការសកម្មភាព វឌ្ឍនភាពការងារ ក៏ដូចជាការអនុវត្តការងារ ដែលក្រសួងបានដាក់ជូនថ្នាក់ដឹកនាំ និងមន្ត្រីជំនាញក្រសួងពាណិជ្ជកម្ម ក៏ដូចជាអង្គភាពចំណុះក្រសួងពាណិជ្ជកម្ម ផងដែរ៕
