ក្រុងប៉ោយប៉ែត ៖ មានសេចក្តីរាយការណ៏នៅថ្ងៃទី២៧ ខែកញ្ញា ឆ្នាំ២០២៥ បានឱ្យដឹងថាទីតាំងល្បែងស៊ីសងខុសច្បាប់ មួយកន្លែងស្ថិតនៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ កំពុងបើកដំណើរការលេងល្បែងគ្រប់ប្រភេទមានដូចជា កីឡាប្រដាល់ថៃ និងខ្លាឃ្លោក បៀ ។ព្រមទាំងល្បែងគ្រប់ប្រភេទ ខណៈអាជ្ញាធរមូលដ្ឋានហាក់ដូចមានការត្រូវរូវជាមួយថៅកែល្បែង និងម្ចាស់ផ្តល់ទីតាំងឱ្យមានការលេងល្បែងគ្រប់ប្រភេទនោះ បានជាសមត្ថ កិច្ចនៅបន្តរក្សាភាពស្ងៀមស្ងាត់ មិនហ៊ានធ្វើការបង្រ្កាបនោះឡើយ!
តាមប្រភពបន្តថាម្ចាស់ទីតាំងមានឈ្មោះ ចាន់ ថន កំពុងកៀងគរក្រុមញៀនល្បែងឲ្យចូលលេងយ៉ាងគគ្រឹកគគ្រេង ពោលគឺទីតាំងបនល្បែងខាងលើនេះ បើកបំរើអ្នកញៀនល្បែង ចាប់ ពីថ្ងៃ សុក្រដល់ ថ្ងៃអាទិត្យ ដោយបើកល្បែងចាក់លុយកីឡា ប្រដាល់ថៃ និង ខ្លាឃ្លោក បៀ តែម្តង ។
អង្គភាពយើងខ្ញុំបានផ្ដល់ព័ត៌មានទៅលោក ផល មេប៉ុស្តិ៍ផ្សាកណ្ដាល តាមរយៈតេឡេក្រាម រួចមកហើយមកដល់ពេលគឺស្ងាត់ឈឹងតែម្តង ខណៈលោក ព្រហ្ម ពិសិទ្ធិ អធិការក្រុងប៉ោយប៉ែត តើលោកបានដឹងឬទេ ថានៅក្នុងមូលដ្ឋានរបស់លោកមានបើកល្បែងស៊ីសង?។
តាមរយៈអង្ឡភាពសារព័ត៌មានយើងប្រជាពលរដ្ឋសំណូមពរទៅដល់ លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ និងឯកឧត្តម អ៊ុំ រាត្រី អភិបាលនៃគណៈអភិបាល ខេត្តបន្ទាយមានជ័យ មេត្តា ជួយចាត់វិធានការទប់ស្កាត់ និងបង្ក្រាប! ទីតាំងល្បែងស៊ីសងខាលើនេះផង។
សូមបញ្ជាក់ថាអង្គភាពសារព័ត៌មានយើង ធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ក្នុងការជំរាបជូនដល់ស្ថាប័នពាក់ព័ន្ធឲ្យបានជ្រាបតែប៉ុណ្ណោះ ៕
ដោយ៖ គង់ សឿន
