សេចក្តីបំភ្លឺព័ត៌មាន៖ដីព្រៃជាច្រើនហិកតានៅចំណុចភ្នំ១០០ ក្នុងឃុំស្រយង់ ស្រុកគូលែន ខេត្តព្រះវិហារ កំពុងរងការឈូសឆាយយកដីធ្វើជាកម្មសិទ្ធិផ្ទាល់ខ្លួនពីសំណាក់ក្រុមឈ្មួញមានលុយ និងមានអំណាចដោយមិនមានវិធានការទប់ស្កាត់ពីអាជ្ញាធរ និងមន្ត្រីជំនាញនោះទេ…

សេចក្តីបំភ្លឺព័ត៌មាន៖

អង្គភាពគេហទំព័រ អស្កាយញូសិ៍ យើងខ្ញុំសូមជម្រាបជូន សាធារណជន ជាពិសេសថ្នាក់ដឹកនាំនៃរដ្ឋបាលស្រុកគូលែន ថ្នាក់ដឹកនាំនៃរដ្ឋបាលខេត្តព្រះវិហារ និងទាំងថ្នាក់ដឹកនាំនៃក្រសួងមហាផ្ទៃ មេត្តាជា្របថា៖ ចំពោះអត្ថបទនៃការចុះផ្សាយរបស់អង្គភាព RSKYNEWS យើងខ្ញុំកាលពីកាលពីថ្ងៃទី ១១ ខែធ្នូ ឆ្នាំ២០២៤ ដែលមានចំណងជើងថា ដីព្រៃជាច្រើនហិកតានៅចំណុចភ្នំ១០០ ក្នុងឃុំស្រយង់ ស្រុកគូលែន ខេត្តព្រះវិហារ កំពុងរងការឈូសឆាយយកដីធ្វើជាកម្មសិទ្ធិផ្ទាល់ខ្លួនពីសំណាក់ក្រុមឈ្មួញមានលុយ និងមានអំណាចដោយមិនមានវិធានការទប់ស្កាត់ពីអាជ្ញាធរ និងមន្ត្រីជំនាញនោះទេ។

ក្រោយពីបានទទួលព័ត៌មានតាមរយៈកំណត់ហេតុស្តីពីការចុះពិនិត្យទីតាំងដី ដែលគេហទំព័រ RSKYNEWS បានចុះផ្សាយពីការឈូសឆាយដីជាច្រើនរយហិចតាក្នុងភូមិសាស្រ្តភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ ចុះថ្ងៃទី ២១ ខែកុម្ភៈ ឆ្នាំ២០២៥ លិខិតលេខ០៤៨/២៥ រ.ប.ក ចុះថ្ងៃទី ២៥ ខែមេសា ឆ្នាំ២០២៥ របស់ឯកឧត្តម គីម រិទ្ធី អភិបាលខេត្តព្រះវិហារ និងលិខិតលេខ ២២២៩ សជណ ចុះថ្ងៃទី១៦ ខែកក្កដា ឆ្នាំ២០២៥ របស់រដ្ឋលេខាធិការ នៃក្រសួងមហាផ្ទៃ ។

តាមចំណងជើងនៃអត្ថបទខាងលើឃើញថា ៖ អង្គភាពយើងខ្ញុំពិតជាទទួលបានព័ត៌មានមិនគ្រប់ជ្រុងជ្រោយ ខ្វះប្រភពច្បាស់លាស់ក្នុងការរាយការណ៍ព័ត៌មាន ព្រមទាំងមិនបានសារសួរមន្ត្រីជំនាញពិតប្រាកដ ដែលធ្វើឱ្យព័ត៌មានរបស់អង្គភាពយើងខ្ញុំបានធ្វើការវាយប្រហារទៅលើថ្នាក់ដឹកនាំនៃអាជ្ញាធររដ្ឋបាលខេត្តព្រះវិហារ ព្រមទាំងម្ចាស់ដីដែលបានកាន់កាប់ដីតាម រយៈ អាជ្ញាធរមូលដ្ឋានច្បាស់លាស់ជាមួយនឹងកំហុសដោយចេតនាដែលបានកើតចេញពីការផ្សាយព័ត៌មានមិនពិតខាងលើនោះ យើងខ្ញុំជាថ្នាក់ដឹកនាំនៃអង្គភាពគេហទំព័រ RSKYNEWS សូមការយោគយល់ អធ្យាស្រ័យ និងអភ័យទោសពីថ្នាក់ដឹកនាំនៃអាជ្ញាធររដ្ឋបាលខេត្តព្រះវិហារ និងពីសំណាក់ម្ចាស់ដីផងដែរ ព្រមទាំងអត្ថបទដែលបានផ្សាយតាមគេហទំព័រ www.rsky news.com អង្គភាពយើងបានសម្រេចលុបចោល រួចរាល់ហើយដែរ។

ពាក់ព័ន្ធនឹងចំណងជើងនៃអត្ថបទដែលបានផ្សាយកាលពីថ្ងៃទី១១ ខែធ្នូ ឆ្នាំ ២០២៤ យើងខ្ញុំសូមទទួលយការបំភ្លឺរបស់រដ្ឋបាលខេត្តព្រះវិហារដូចខាងក្រោម៖ ទីតាំងដីនេះស្ថិតនៅចំណុចអូរចាក់ស្រា ទល់មុខក្រុមហ៊ុនកិនថ្មអីសុងឆាង ក្នុងភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ ជាកម្មសិទ្ធិរបស់ឈ្មោះ ជាង វ៉ាន់ឌីណូ ភេទប្រុស កាន់អត្ត សញ្ញា ណប័ណ្ណលេខ០១១២៩៩៨៥៨ បច្ចុប្បន្នរស់នៅភ្នំពេញបានផ្ទេរកម្មសិទ្ធិពីឈ្មោះ អ៊ុំ ណាក់ នៅឆ្នាំ២០២១ និងឈ្មោះ ស្រី កែវម៉ូនីកា ភេទស្រី កាន់អត្តសញ្ញាណប័ណ្ណលេខ ០១១០៩១៣៦៥ បច្ចុប្បន្នរស់នៅភ្នំពេញបានផ្ទេរកម្មសិទ្ធិពីឈ្មោះ ញ៉េប សុផា នៅឆ្នាំ២០២២ មានចុះហត្ថលេខា បញ្ជាក់ទទួលស្គាល់ដោយអាជ្ញាធរឃុំស្រុក និងបានបង់ពន្ធប្រថាប់ត្រាលើលិខិតផ្ទេរសិទ្ធិកាន់កាប់នៅសាខាពន្ធដារខេត្តព្រះវិហារ។

ក្រុមការងារចុះប្រមូលទិន្នន័យលើទីតាំងផ្ទៃដីអាស្រ័យផលជាក់ស្តែងដោយប្រើប្រាស់ឧបករណ៍ GPSmap64s(WGS84 Zone 48N) ចំណុចនិយាមកា (UTM) 1/ X: 442763 Y: 1504441, 2/ X: 442442 Y: 1504297, 3/ Χ: 442788 Y: 1504241, 4/ X: 442761 Y: 1504228, 5/ X: 442626 Y: 1504165, 6/ X: 442556 Y: 1504123, 7/X: 442135 Y: 1503926, 8/ X: 442081 Y: 1504011, និង 9/ X: 442508 Y: 1504211 (ដូចមានភ្ជាប់ក្នុងផែនទីបង្ហាញទីតាំង ដី និងរូបភាព) សង្កេត ឃើញថា ប្រជាពលរដ្ឋទាំង០២គ្រួសារខាងលើនេះ បានយកត្រាក់ទ័រភ្ជួររាស់សម្អាតលើដីកសិកម្ម របស់ខ្លួនមានផ្ទៃដីសរុបចំនួន ២០៥៩៤៧ ម៉ែត្រការ៉េ ដែលពួកគាត់បានគ្រប់គ្រង និងប្រើប្រាស់ដី អាស្រ័យផលជាយូរមកហើយ ដោយមានដំណាំស្វាយ ឬស្សីផ្អែម ជីកស្រះចិញ្ចឹមត្រី មាន់ និងធ្វើរបង ហ៊ុំព័ទ្ធជុំវិញទីតាំងដី។

ទីតាំងដីនេះវាលស្រាប់ប្រមាណ៩០% ស្ថិតនៅទល់មុខក្រុមហ៊ុនកិនថ្មអីសុងឆាង (អូរចាក់ស្រា) ក្នុងភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ៕

សូមអានលំអិតលិខិតពាក់ព័ន្ធខាងក្រោម៖