ខេត្តក្រចេះ៖ លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តក្រចេះ បានអញ្ជើញប្រគេនទេយ្យទាន បច្ច័យកសាង និងរាប់បាត្រដារឆ្លងក្នុងពិធីបុណ្យកាន់បិណ្ឌ២ នៅវត្តព្រះវិហារធំសសរ១០០ ស្រុកសំបូរ ខេត្តក្រចេះ ដើម្បីឧទ្ទិសបួងសួង សូមនូវសេចក្ដីសុខ ចម្រុងចម្រើនដលប្រជាជនកម្ពុជាទាំងអស់ ទទួលបានតែសេចក្ដីសុខ ។
ការអញ្ជើញចូលរួមក្នុងពិធីកាន់បិណ្ឌទី២ របស់ឧត្តមសេនីយ៍ត្រី សាក់ សារ៉ាង បានធ្វើឡើងនៅព្រឹកថ្ងៃទី០៩ ខែកញ្ញា ឆ្នាំ២០២៥ ក្នុងឱកាសដែលលោក និងសហការី អញ្ជើញចូលរួមកាន់បិណ្ឌទី២ ជាមួយប្រជាពុទ្ធបរិស័ទចំណុះជើងវត្ត ដែលបានប្រារព្ធធ្វើនៅវត្តព្រះវិហារធំសសរ១០០ ស្រុកសំបូរនិងវត្តសម្តេចព្រះនាគវ័នវរ:ពោធិភូមិសំបុក។
ក្នុងនោះលោកឧត្តមសេនីយ៍ ក៏បានឧទ្ទិសជូនចំពោះដួងវិញ្ញាណក្ខ័នវិរៈយុទ្ធជនកម្ពុជា ដែលពលីជីវិតក្នុងបុព្វហេតុការពារជាតិមាតុភូមិ និងប្រជាជនកម្ពុជា និងសូមឲ្យវិរៈយុទ្ធជនដ៏អង់អាចក្លាហាន ដែលកំពុងសម្រាកព្យាបាលទាំងអស់ បានជាសះស្បើយ និងមានសុខភាពរឹងមាំ។
តាមរយៈបុណ្យកុសល កើតចេញពីបុណ្យកាន់បិណ្ឌនេះ សូមបួងសួងសូមឲ្យមនុញ្ញផលកើតចេញពី បុណ្យប្រកបដោយសុទ្ធាជ្រះថ្លា នៃមហាកម្លាំងសាមគ្គីរបស់ប្រជាជនយើងសូមផ្ដល់នូវសេចក្ដីសុខ ចម្រុងចម្រើនដល់ថ្នាក់ជាតិ គ្រប់លំដាប់ថ្នាក់ និងប្រជាជនកម្ពុជាទាំងអស់ ទទួលបានតែសេចក្ដីសុខ និងមានការអភិវឌ្ឍរីកចម្រើនសម្បូររុងរឿង ហើយសូមឈ្នះអស់មាសត្រូវមកពីគ្រប់ទិសទី។
ជាមួយគ្នានោះ លោកឧត្តមសេនីយ៍រួមនិងសហការី ក៏បានប្រគេនបច្ច័យដែលកើតចេញពី ទឹកចិត្តប្រកបដោយសុទ្ធាប្រគេនចំពោះព្រះសង្ឃសម្រាប់ទ្រទ្រង់ក្នុងពិធីបុណ្យកាន់បិណ្ឌ និងបានប្រគេនទយ្យវត្ថុគ្រឿងបរិក្ខាមួយចំនួន សម្រាប់វត្តព្រះវិហារធំសសរ១០០ និងវត្តសំបុក ក្នុងនោះសម្រាប់វត្តព្រះវិហារធំសសរ១០០ បច្ច័យកសាង ៤,០០០,០០០៛ បច្ច័យប្រគេនព្រះសង្ឃចំនួន ៩អង្គ/ ១អង្គ ៥០.០០០៛ យាយជី តាជី ២៥នាក់ ក្នុង១នាក់ ១០.០០០៛ ទឹក ១០កេស មី២កេស ទឹកសុីអុីវ២យួរ ទឹកត្រី ២យួរ អង្ករ២បេ ។ ដោយឡែកវត្តសម្តេចព្រះនាគវ័នវរ:ពោធិភូមិសំបុក ឃុំសំបុក ស្រុកចិត្របូរី ខេត្តក្រចេះ គឺប្រគេនបច្ច័យកសាង ៤,០០០,០០០៛ ទឹក ១០កេស មី២កេស ទឹកសុីអុីវ២យួរ ទឹកត្រី ២យួរ និងអង្ករចំនួន២បេ ។
