ខេត្តកែប៖ ឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជេីញអមដំណេីរឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍន៍ឆ្នេរសមុទ្រកម្ពុជា ចុះពិនិត្យវឌ្ឍនភាពគម្រោង ឆ្នេរតេជោសន្តិភាពកែប នៅរសៀលថ្ងៃព្រហស្បតិ៍ ទី៤ ខែកញ្ញា ឆ្នាំ២០២៥។
សូមបញ្ជាក់ថា ឆ្នេរតេជោសន្តិភាពកែប មានប្រវែង ២.៧០០ ម៉ែត្រ មានទីតាំងស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប និងត្រូវបានកំពុងយកចិត្តទុកដាក់ខ្ពស់ពីរាជរដ្ឋា ភិបាលដែលមាន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា គណៈកម្មាធិការជាតិគ្រប់គ្រង និងអភិវឌ្ឍន៍ឆ្នេរសមុទ្រកម្ពុជា និងរដ្ឋបាលខេត្តកែប ដែលមានឯកឧត្ដមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានជំរុញការសាងសង់ឱ្យរួចរាល់តាមផែនការគ្រោងទុក។
ឆ្នេរតេជោសន្តិភាពកែប បន្ទាប់ពីការសាងសង់រួចនឹងក្លាយជាឆ្នេរសមុទ្រដែលមានភាពល្អប្រណិត ផាសុខភាពសម្រាប់មហាជនទូទៅចូលទស្សនា សម្រាកលម្ហែកម្សាន្ត ជាពិសេស ជួយលេីកម្ពស់សេដ្ឋកិច្ចដល់ប្រជាពលរដ្ឋក្នុងខេត្ត តាមរយៈការលក់ដូរបម្រើសេវាកម្មភ្ញៀវទេសចរផងដែរ៕
ប្រភព៖ រដ្ឋបាលខេត្តកែប
