ខេត្តកំពង់ស្ពឺ៖ ឯកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន នៅថ្ងៃទី២១ ខែកក្កដា ឆ្នាំ២០២៥ បានអញ្ជើញចូលរួមក្នុងពិធីអបអរទិវាអន្តរជាតិប្រយុទ្ធប្រឆាំងគ្រឿងញៀន របស់រដ្ឋបាលខេត្តកំពង់ស្ពឺ ។
ពិធីអបអរទិវាអន្តរជាតិប្រយុទ្ធប្រឆាំងគ្រឿងញៀន របស់រដ្ឋបាលខេត្តកំពង់ស្ពឺ រៀបចំឡើងក្រោមវត្តមានឯកឧត្តម យឹម សុខុម ប្រធានក្រុមប្រឹក្សាខេត្ត, ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ, ឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងតំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកជំទាវ ឧត្តមសេនីយ៍ឯក ឈឹម សិទ្ធិបុណ្យរិទ្ធ អគ្គលេខាធិការរង តំណាង ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការចូលរួមពីកងកម្លាំងប្រដាប់អាវុធទាំងប្រភេទ មន្ត្រីរាជការជុំវិញខេត្ត លោកគ្រូ អ្នកគ្រូ សិស្សានុសិស្សប្រម៉ាណជាង ១០០០នាក់ ស្ថិតក្នុងខាងលិចវត្តកំប៉ូត សង្កាត់ច្បារមន ក្រុងច្បារមន ខេត្តកំពង់ស្ពឺ ។
ក្នុងពិធីនោះក៏មានការដុតបំផ្លាញគ្រឿងញៀន ដែលសាលាដំបូងខេត្តកំពង់ស្ពឺ បានចេញសេចក្តីសម្រេចរឹបអូសបំផ្លាញ ចោល ក្នុងសំណុំរឿងសរុបចំនួន១០៩ ដែលទម្ងន់សរុបជិត ៥គីឡូក្រាមផងដែរ ៕
ដោយ៖ សត្យា
