មន្រ្តីអគ្គនាយកដ្ឋានកាំកុងត្រូល បានរកឃើញ ប្រហិត ហួសកាលបរិច្ឆេទប្រើប្រាស់ ចំនួន ០៨ ដុំ នៅផ្សារដើមគរ

ក្នុងសកម្មភាពនេះ មន្ត្រីជំនាញបានធ្វើតេស្តបឋមទៅលើផលិតផលម្ហូបអាហារមួយចំនួន ដូចជា៖ សាច់ត្រីផាត់ សាច់ជ្រូកផាត់ នំចាក់ច័ន្ទ គ្រឿងសមុទ្រ គុយទាវសរសៃតូច លត បាញ់កាញ់ មីគ្រប់មុខ ទឹកខ្មេះគ្រប់ប្រភេទ ប្រហិតគ្រប់មុខ ជ្រក់គ្រប់មុខ សាច់ក្រក និងត្រីងៀតគ្រប់មុខ ដើម្បីរកសារធាតុគីមីហាមឃាត់ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ ។ ជាមួយគ្នានោះ មន្ត្រីជំនាញ បានធ្វើការត្រួតពិនិត្យ​រក​ភាពមិនអនុលោមនៅលើសំបកវេចខ្ចប់ផលិតផលម្ហូបអាហារផងដែរ ។

ជាលទ្ធផលមន្ត្រីជំនាញ បានរកឃើញ ប្រហិត ហួសកាលបរិច្ឆេទប្រើប្រាស់ ចំនួន ០៨ ដុំ ហើយមន្ត្រីជំនាញបានធ្វើកំណត់​ហេតុដកហូត​យកមក​កម្ទេចចោល។ មន្ត្រីអគ្គនាយកដ្ឋានកាំកុងត្រូលក៏បានធ្វើការណែនាំដល់អាជីវករ ឱ្យយល់ដឹង និងអនុវត្តទៅតាមច្បាប់ ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ជៀសវាងបង្កផលប៉ះពាល់ដល់សុខភាពប្រជាពលរដ្ឋ និងអាចប្រឈមចំពោះមុខច្បាប់ថែមទៀត ៕

ដោយ ៖ សិរីបុត្រ​ (ប្រភពហ្វេសបុក កាំកុងត្រូល)