ខេត្តកំពត៖ អ្នកស្រី សំ សាវ៉ាន អាយុ ៥៥ឆ្នាំ ជនជាតិខ្មែរ មានទីលំនៅបច្ចុប្បន្នភូមិស្គរទូង ឃុំភ្នំកុង ស្រុកអង្គជ័យ ខេត្តកំពត បានចោទបុគ្គលឈ្មោះ សយ ស៊ីណាត ភេទប្រុស មុខរបរ គ្រូបង្រៀន មានទីលំនៅជាមួយគ្នា បានប្រើប្រាស់ហឹង្សាខណៈអ្នកស្រីធ្វើដំណើរទៅមើលស្រែ។
យោងតាមរបាយការណ៍របស់ប៉ុស្តិ៍នគរបាលរដ្ឋបាលភ្នំកុង លោក ឃុត ចាន់ថា នាយប៉ុស្តិ៍ស្តីទី បានគោរពរាយការណ៍ជូនលោកអធិការដ្ឋាននគរបាលស្រុកអង្គជ័យ មានករណីហិង្សាមួយបានកើតឡើងស្ថិតនៅចំណុចផ្ទះ សំ សុវណ្ណ ស្ថិតនៅភូមិស្គរទូង ឃុំភ្នំកុង ស្រុកអង្គរជ័យ ខេត្តកំពត ដែលមានជនរងគ្រោះឈ្មោះ សំ សាវ៉ាន ភេទស្រី អាយុ ៥៥ឆ្នាំ និងជនបង្កឈ្មោះ សយ ស៊ីណាត មុខរបរជាគ្រូបង្រៀន នៅវិទ្យាល័យរំពើន ស្រុកបន្ទាយមាស។
លុះរហូតដល់ត្រឹមថ្ងៃទី២៤ ខែមិថុនា ឆ្នាំ២០២៥ នេះ ស្តី្រជាជនរងគ្រោះ និងក្រុមគ្រួសារទន្ទឹមរងចំាយុត្តិធ៌មពីចំណាត់ការរបស់នគរបាលស្រុកអង្គរជ័យទៅលើជនបង្កឈ្មោះ សយ ស៊ីណាត នៅមិនទាន់ឃើញស្រមោលនៅឡើយ ក្រុមគ្រួសារជនរងគ្រោះបានបន្តទៀតថា តើនគរបាលក្នុងស្រុកអង្គរជ័យនេះ ខ្លាចឥទ្ធិពលរបស់គ្រូ សយ ស៊ីណាត មែនដែរឫទេ?
នាព្រឹកថ្ងៃទី២៤ ខែមិថុនា ឆ្នាំ២០២៥ ភ្នាក់ងារអង្គភាពយើងបានទាក់ទងសាកសួរព័ត៌មានពីករណីហិង្សាខាងលើទៅកាន់លោក ឃុត ចាន់ថា ដោយលោកបានប្រាប់ថា បានបញ្ជូនករណីនោះទៅកាន់ជំនាញព្រហ្មទណ្ឌស្រុករួចអស់ហើយ ម្យ៉ាងទៀងលឺថាជនបង្កជាក្មួយ ហើយព្រមទទួលកំហុស និងសងសំណងមើលជំងឺខ្លះៗ។
តាមរយៈអង្គភាពអស្កាយញូសិ៍ក្រុមគ្រួសារជនរងគ្រោះទទួចស្នើសុំដល់លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្តកំពត មេត្តាជួយពន្លឿន និងស្វែងយកជនល្មើសយកទៅផ្តន្ទទោសតាមច្បាប់ជាធរមាន។
អង្គភាពយើងខ្ញុំបានព្យាយាមស្វែងរកការបំភ្លឺពីលោកគ្រូ សយ ស៊ីណាត ករណីហិង្សាខាងលើ តែមិនមានលេខទូរស័ព្ទ ទោះយ៉ាងណាអង្គភាពយើងគោរពតាមច្បាប់ស្តីពីរបបសារព័ត៌មាន នៃព្រះរាជាណាចក្រកម្ពុជាព្រមទាំងក្រមសិលធ៌ម និងធម្មនុញ្ញវិជ្ជាជីវៈសារព័ត៌មាន៕
ដោយ៖ សត្យា
