បាវិត៖ ទំនាស់ពាក្យសំដីពេលបើកបរនៅលើដងផ្លូវបណ្តាអោយកើតមានឆាកប្រយុទ្ធរវាងក្មេងទំនើងមួយក្រុមគ្នា៥នាក់បានព្រួតគ្នា វាយ និងកាប់ទៅលើជនរោងគ្រោះម្នាក់ បានកើតឡើងនៅវេលាម៉ោង២០.៣០នាទីយប់ថ្ងៃអាទឹត្យ០៥កើតខែមាឃឆ្នាំរកា ព.ស.២៥៦១ ត្រូវនិងថ្ងៃទី២១ខែមករាឆ្នាំ២០១៨ ត្រងចំនុចមុខផ្ទះ សាំង សារ៉ន ហៅ នី ភេទប្រុស អាយុ៥៨ ឆ្នាំជនជាតិខ្មៃរ ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។
ករណីហឹង្សានេះកើតឡើងរវាងជនរងគ្រោះឈ្មោះ ភុក វុទ្ធី ភេទប្រុស អាយុ ២៦ឆ្នាំ មុខរបរមិនពិតប្រាកដមានទីលំនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ត្រូវចំក្បាលមួយកាំបិតប៉ាងតោបណ្ដាលអោយរងរបួសធ្ងន់ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្តស្វាយរៀង។
ក្រុមក្មេងទំនើង៤នាក់ដែលត្រូវសមត្ថកិច្ចឃាត់ខ្លួនបណ្តោះអាសន្នបានមានឈ្មោះដូចខាងក្រោម ៖
1/ ឈ្មោះ ក្រាញ់ សុភាព ភេទ ប្រុស អាយុ ២៣ ឆ្នាំ មុខរបរ បុគ្គលិកកាស៉ីណូ Good luck មានទីលំនៅភូមិជាឫស្សី ឃុំកំពង់ចំលង ស្រុកស្វាយជ្រំ ខេត្តស្វាយរៀង
2/ ឈ្មោះ ពៅ សង្ហា ភេទប្រុស អាយុ ២០ ឆ្នាំ មុខរបរ បុគ្គលិកកាស៉ីណូ Good luck មានទីលំនៅភូមិបាសាក់ សង្កាត់បាសាក់ ក្រុងស្វាយរៀង ខេត្តស្វាយរៀង
3/ ឈ្មោះ ខែម ស៉ីនឿន ភេទប្រុស អាយុ ២២ឆ្នាំ មុខរបរ បុគ្គលិកកាស៉ីណូ Good luck មានទីលំនៅភូមិក្បាលដំរី ឃុំស្វាយយា ស្រុកស្វាយជ្រុំ ខេត្តស្វាយរៀង
4/ ឈ្មោះ ម៉ៅ ចាំ ភេទ ប្រុស អាយុ ២៦ ឆ្នាំ មុខរបរ បុគ្គលិកកាស៉ីណូ Good luck មានទីលំនៅភូមិ អង្គសាលា ឃុំចំបក់ ស្រុក ស្វាយជ្រំ ខេត្ត ស្វាយរៀង។
វត្ថុតាងកាំបិតប៉ាងតោ និងជនសង្ស័យទាំង៤នាក់ខាងលើ ត្រូវបានសមត្ថកិច្ចឃាត់ខ្លួនបណ្តោះអាសន្នដើម្បីសាកសួរនៅប៉ុស្តិ៍នគរបាលរដ្ឋបាលបាវិតដើម្បីកសាងសំណុំរឿងបញ្ជូនទៅកាន់ការិយាល័យជំនាញនគរបាលខេត្តស្វាយរៀងចាត់ការបន្តតាមនិតិវិធីមុននិងបញ្ជូនទៅកាន់តុលាការផ្តន្ទាទោសទៅតាមផ្លូវច្បាប់។
រីឯក្មេងទំនើងម្នាក់ទៀតបានរត់គេចខ្លួនបាត់ក្រោយពីប្រព្រឹត្តរួចមានឈ្មោះ ជាតិ អាយុ ២៤ ឆ្នាំ មុខរបរ មិនពិតប្រកដ មានទីលំភូមិគយត្របែក សង្កាត់គយត្របែក ក្រុងស្វាយរៀង ខេត្តស្វាយរៀង ហើយសមត្ថកិច្ចយ់ើងសមត្ថកិច្ចកំពុងស្រាវជ្រាវរុករកចាប់ជនសង្ស័យមកផ្ដន្នាទោសតាមផ្លូវច្បាប់ផងដែរ៕
ដោយ ៖ សំណាង
